ရယ်မောစရာလေး (၆) ခု Food for Thought 751 ဒေါက်တာသိန်းလွင်

 

ဒီနေ့မှာတော့ မိတ်ဆွေများစိတ်မှာ ပျော်အောင်ရယ်မောစရာလေး တွေကိုမျှဝေရန် စီစဥ်ထားပါတယ်။ အောက် ပါရယ်မောစရာလေး (၆) ခုကို Food for Thought 751 အဖြစ်မျှဝေလိုက်ပါတယ်။
ဒေါက်တာသိန်းလွင် ပါမောက္ခ (ငြိမ်း) ပညာရေးစိတ်ပညာဌာန၊ ရန်ကုန်ပညာရေးတက္ကသိုလ်


၁။ အရက်မူးနေတာလား ကားမူးနေတာလား

အရက်တွေအလွန်မူးနေတဲ့ လူ (၃) ယောက် အငှားယာဥ်တက်စီကားထဲဝင်ထိုင်လိုက်ပါတယ်။ တက်စီမောင်း သမားကိုသူတို့သွားချင်တဲ့နေရာကိုပြောလိုက်ပါတယ်။ တက်စီမောင်းသမား သူက သူတို့ (၃) ယောက်လုံးသိပ် မူးနေတာကိုသိပါတယ်။ ဒါကြောင့် သူက ကားစက်ကိုနှိုးလိုက်ပြီး ကားကိုနေရာ အနည်းငယ်ရွှေ့လိုက်ပါတယ်။ ခဏအကြာမှာ စက်ကို သတ်လိုက်ပါတယ်။ ပြီးတော့ တက်စီမောင်းသမားက “ခင်ဗျားတို့သွားချင်တဲ့နေရာ ရောက်ပါပြီ” လို့ပြော လိုက်ပါတယ်။ အဲဒီတော့ သုံးယောက်ထဲမှ တစ်ယောက်က ကားငှားခကို ထုတ်ပေးပါ တယ်။ ဒုတိက ခရီးသည်က တက်စီမောင်းသမားကိုကျေးဇူးတင်ပါတယ်လို့ပြောသွား ပါတယ်။ တတိယခရီး သည်က တက်စီမောင်းသမားရဲ့ ပါးကို ရိုက်ထည့်လိုက်ပါတယ်။ ဒီတော့တက်စီမောင်းသမားလည်း အံ့အားသင့် သွားပြီး “ဘာကြောင့် ရိုက်တာလဲ လို့” မေးလိုက်တဲ့အခါ ခရီးသည်က “ခင်ဗျားကားကိုသတိထားပြီးမောင်းပါ။ အခုမောင်းလာတာ ကျွန်တော်တို့ကို သေမတတ်အောင် မြန်နေပါတယ်။ ခေါင်းတွေကို မူးနောက်နေတာပဲ” လို့ ပြောလိုက်ပါတယ်။

၂။ အိမ်ထောင်မပြုခင်ပြောတဲ့ပံစံနဲ့အိမ်ထောင်ပြုပြီးနောက်ပြောတဲ့ပုံစံဘာကွာသလဲဆိုတာ

အိမ်ထောင်မပြုခင်

1. ကောင်လေး -“ငါဒီထက်ထပ်မစောင့်နိင်တော့ဘူး”
2. ကောင်မလေး - ရှင်ကကျွန်မကိုအခုချက်ခြင်းထွက်သွားစေချင်နေတာလား
3. ကောင်လေး- အဲဒီလိုစဥ်းတောင်မစဥ်းစားမိပါဘူး။
4. ကောင်မလေး -ရှင်ကျွန်မကိုချစ်သလား။
5. ကောင်လေး- အမြဲပေါ့။
6. ကောင်မလေး-ရှင်ကျွန်မကို လိမ်လည်လှည့်စားတာမျိုးရှိခဲ့ပါသလား။
7. ကောင်လေး-ဟင့်အင်း။ ဘာကြောင့် အဲဒီလိုမေးနရတာလဲ။
8. ကောင်မလေး- ရှင်ကျွန်မကိုနမ်းမှာလား။
9. ကောင်လေး- အခွင့်သာတိုင်းပေါ့။
10. ကောင်မလေး- ရှင်ကျွန်မကို လက်သီးနဲ့ထိုးမှာလား။
11. ကောင်လေး- ဘာဘယ်လို၊ မင်ရူးနေသလား။
12. ကောင်မလေး- ကျွန်မရှင့်ကိုယုံနိုင်ပါသလား။
13. ကောင်လေး-ဘာလဲကွယ်။
14. ကောင်မလေး-အိုးအချစ်ရယ်။

အိမ်ထောင်ပြပြီးတဲ့အခါ အောက်ဘက်မှနံပတ် (၁၄)မှစပြီး စပြီးအထက်ဘက်သို့ဖတ်သွားပါ။

၃။ သင်္ချာဆရာ

ဆရာမှာလက်တစ်ဘက်ထဲမှာပုလင်း (၅)လုံးရှိပြီး နောက်လက်တစ်ဘက်ထဲမှာတော့ ပုလင်း (၆) လုံးရှိတယ် ဆိုရင် ဆရာမှာ ဘာရှိနေပါသလဲလို့မေးလိုက်ပါတယ်။

အဲဒီတော့ကျောင်းသားတစ်ယောက်က ထပြီး “အရက်တွေအများကြီးသောက်တဲ့ပြဿနာရှိနေပါတယ်ဆရာ”လို့ဖြေလိုက်ပါတယ်။

၄။ ဘီလ်ဂိတ်မျက်နှာကြီးလိုက်တာ

ဖခင် -သားရေသားကိုဖေဖေရွေးတဲ့ကလေးမလေးနဲ့အိမ်ထောင်ပြုပေးချင်ပါတယ်။
သား -လက်မခံနိုင်ပါဘူးဖေဖေ။
ဖခင် -အဲဒီကောင်မလေးက ဘီလ်ဂိတ်ရဲ့သမီးပါ။
သား- အော်အဲဒီလိုဆိုရင်တော့ အိုကေပါတယ်။
ဖခင်က ဘီလ်ဂိတ်ထံသွားပြီး
ဖခင် -ကျွန်တော်သားကိုခင်ဗျားသမီးနနဲ့အိမ်ထောင်ပြုပေးချင်ပါတယ် လို့ပြောလိုက်ပါတယ်။
ဘီလ်ဂိတ် -မဖြစ်နိုင်ပါဘူး။
ဖခင် -ကျွန်တော့သားက ကမ္ဘာ့ဘဏ်မှာ CEO ဖြစ်ပါတယ်။
ဘီလ်ဂိတ်- အော်အဲဒီလိုဆိုအိုကေပါတယ်။
ဖခင်က ကမ္ဘဘဏ်ဥက္ကဌထံသွားပြီး
ဖခင် - ကျွန်တော့်သားကိုခင်ဗျားဘဏ်မှာ CEO အဖြစ်ခန့်ပေးပါလို့ပြောပါတယ်။
ဘဏ်ဥက္ကဌ -ဘယ်ဖြစ်မလဲ။
ဖခင် -ကျွန်တော်သားက ဘီလ်ဂိတ်ရဲ့သားမက်ဖြစ်ပါတယ်လို့ပြောလိုက်ပါတယ်။
ဘဏ်ဥက္ကဌ - အိုးအဲဒီလိုဆိုရင် အိုကေပါလို့ပြန်ပြောပါသတဲ့။

၅။ အင်္ဂလိပ်စာကသင်ရတာဘာကြောင့် ခက်နေတာလဲ။

ဘူးတစ်ခုကို box လို့ပြောပြီးဘူးတွေကိုတော့ boxes လို့ပြောပါတယ်။
ဒါပေမဲ့နွားတစ်ကောင်ကို ox လို့ပြောပြီးနွားတွေကိုတော့ oxes လို့မပြောဘဲ oxen လို့ပြောပါတယ်။

ဘဲငန်းတစ်ကောင်ကို a goose လို့ပြောပြီးဘဲငန်းတွေကိုတော geese လို့ပြောပေမဲ့

ဦးချိုပြားတဲ့သမင်တစ်ကောင်ကိုတော့ moose လို့ပြောပေမဲ့သမင်အများကိုတော့ meese လို့ ဘယ်တော့မှ မပြောပါဘူး။

အိမ်မှာကြွက်တစ်ကောင်တွေ့ရင် a mouse လို့ပြောပြီးကြွက်တွေအများကြီးကိုတော့ mice လို့ပြောပြန် ပါတယ်။

ဒါပေမဲ့အိမ်တစ်လုံးကို house လို့ပြောပေမဲ့ အိမ်အများကြီးကိုတော့ hice လို့ ဘယ်တော့မှမပြောပါဘူး။

အမျိုးသားလူကြီးတစ်ယောက်ကို man လို့ပြောပေမဲ့ အမျိုးသားလူကြီးများကိုတော့ men လို့ပြောပါတယ်။

ခဲတံတစ်ချောင်းကို pan လို့ပြောပေမဲ့ခဲတံအများကိုတော့ pen လို့ဘယ်တော့မှမပြောပါဘူး။

ခြေတစ်ချောင်းကို foot လို့ပြောပြီး ‌ခြေနှစ်ချောင်းကိုတော့ feet လို့ပြောပါတယ်။

စာအုပ်တစ်အုပ်ကိုတော့ book လို့ပြောပေမဲ့စာအုပ်နှစ်အုပ်ကိုတော့ ဘယ်တော့မှ beek လို့မပြောပြန်ပါဘူး။

သွားတစ်ချောင်းကိုတော့ tooth လို့ပြောပြီးသွားတွေကိုတော့ teeth လို့ပြောပါတယ်။

ဒါပေမဲ့ ယာယီတဲထိုးဆိုင်တစ်ခုကိုတော့ booth လို့ခေါပြီး ယာဘီဆိုင်တွေကိုတော့ beeth လို့ မခေါ်ပါဘူး။

ပစ္စည်းတစ်ခုကို this လို့ပြောပြီး ပစ္စည်းများကိုတော့ these လို့ပြောပါတယ်။
ဒါပေမဲ့ နမ်းတယ်ဆိုတာကို kiss လို့ပြောပေမဲ့အနမ်းတွေအများကြီးကိုတော့ kisses လို့မပြောပြန်ပါဘူး။

ညီအစ်ကိုကို brother လိုပြောသလို brethren လို့လည်းပြောပါတယ်။
ဒါပေမဲ့မိခင်ကို mother လို့ပြောပေမဲ့ methren လို့တော့မပြောပြန်ပါဘူး။
ပိုင်ဆိုင်မှုပြဖို့အမျိုးသားများအတွက် he, his and him တို့ကိုသုံးပါတယ်။
ဒါပေမဲ့လည်း အမျိုးသမီးများအတွက် ပိုင်ဆိုင်မှုကိုပြတဲ့အသုံးအနှုန်းကတော့ she, shis and shim တို့မဟုတ်ကြပါဘူး။

၆။ ဘယ်သူ့ဘောင်းဘီဇစ်ကိုဖြုတ်မိတာလဲ

အမျိုးသမီးတစ်ယောက် ဘတ်စ်ကားပေါ်တက်ရန် ကြိုးစားနေပါတယ်။ ဒါပေမဲ့ သူဝတ်ထားတဲ့စကပ်က တော်တော် တင်းကြပ်နေတဲ့အတွက် အောက်ပါဖြစ်ရပ်ဖြစ်လာပါတယ်။

ဘတ်စ်ကာကရပ်လိုက်ပါတယ်။ အမျိုးသမီးကားပေါ်တက်ရန်အလှည့်ဖြစ်ပါတယ်။ ဒါပေမဲ့ သူဝတ်ထားတဲ့ စကပ်က သိပ် ကြပ်နေတာကို သတိပြုမိပါတယ်။ ဒါကြောင့် ဘတ်စ်ကားလှေခါးပထမအဆင့်ကိုခြေလှမ်းရန် ပင်ခက်ခဲနေပါတယ်။ အမျိုးသမီးနောက်ဘက်မှာလည်း ဘတ်စကားစီးရန်ကပ်ပြီးတန်းစီနေသူတွေလည်း များ ပါတယ်။

အမျိုးသမီးက ကားမောင်းသမားကို ပြုံးပြရင်း သူ့လက်ကို သူ့နောက်ဘက်ရှိစကပ်မှာတပ်ထားတဲ့ဇစ်ကို လှမ်း ကိုင်လိုင်ပါတယ်။ ဇစ်ကိုအနည်းငယ်ဖြုတ်လိုက်ရင် သူ့ခြေထောက်ကို ဘတ်ကားလှေခါးပထမအဆစ်သို့ ကောင်းစွာရောက်နိုင်လိမ့်မယ်လို့ ထင်နေခဲ့ပါတယ်။ ဇစ်ကိုအနည်းငယ်ဖြုတ်လိုက်သော်လည်း ‌ခြေထောက်ကို လှေခါးပထမအဆင့်သို့ရောက်အောင် မလှမ်းနိုင်ဖြစ်နေပါသေးတယ်။

ဒါကြောင့် သူ့လက်ကို စကပ်ဇစ်ကို ဖြုတ်ရန် လက်ကို သူ့နောက်ဘက်သို့ ဒုတိယအကြိမ်ပို့လိုက်ပြီစကပ် ဇစ် ကိုအနည်းငယ် ဖြုတ်လိုက်ပြန်ပါတယ်။ ဒါပေမဲ့လည်း သူခြေထောက်မှာ ဘတ်စ်ကားလှေခါးပထမအဆင့် သို့တက်ရန် ခက်ခဲ နေပါသေးတယ်။

သူ့ကြောင့် ခရီးသည်တွေဘတ်စ်ကားပေါ်မတက်နိုင်တာကိုသိပြီး ကားမောင်းသမားကို နောက်တစ်ချက်ပြုံးပြ လိုက် ရင်း သူ့စကပ်ဇစ်ကို နောက်တစ်ကြိမ် ဖြုတ်ရန် လက်ကို နောက်ဘက်သို့ ပို့ပြီးဇစ်ကို ဖြုတ်ပါတယ်။ ဇစ် ဖြုတ်လိုက်ပေမဲ့ သူခြေက ဘတ်စ်ကားလှေခါးပထမအဆင့်ကို မတက်လှမ်းနိုင်ဖြစ်နေပါတယ်။

အဲဒီလိုဖြစ်နေတဲ့အခါ သူ့နောက်မှာကပ်ရပ်နေတဲ့ အမျိုးသားထောင်ထောင် မောင်းမောင်းတစ်ယောက်က အမျိုး သမီးခါးကိုကိုင်းပြီးအမျိုသမီးကို ဘတ်စ် ကားလှေခါးထစ်ပေါ်ရောက်အောင်ညင်သာစွာမတင်ပေးလိုက်ပါတယ်။

အဲဒီအခါ အမျိုးသမီးမှာအလွန်စိတ်ဆိုးဒေါသထွက်လာပြီးသူ့ခါးကိုကိုင်ပြီး လှေခါးဆင့်ပေါ်ရောက်အောင်မြှောက် တင်ပေးလိုက်သူကို အောက်ပါအတိုင်း အော်ငေါက်ပါတော့တယ်။

“ရှင်ကကျွန်မနဲ့မသိဘဲ ကျွန်မခါးကို ဘာကြောင့် ကိုင်မြှောက်ပေးရတာလဲ။ ရှင်က ဘယ်လိုလူလဲ။”

ထိုအခါ အမျိုးသမီးခါးကိုကိုင်ပြီးဘတ်စ်ကားခြေနင်းခုံပေါ်မတင်ပေးလိုက်သူက ပြုံးပြီး လေးတွဲ့တွဲ့အသံဖြင့် အောက်ပါအတိုင်းပြန်ပြောလိုက်ပါတယ်။
“ဟုတ်ပါတယ်ခင်ဗျာ။ ပုံမှန်အနေအထားဆိုရင် ခင်ဗျားပြောတာကို ကျွန်တော် သဘောတူပါတယ်။ ဒါပေမဲ့ ခင်ဗျားကကျွန်တော့ဘောင်းဘီဇစ်ကို (၃)ခါတောင်လာဖြုတ်ထားတော့ ကျွန်တော်က ခင်ဗျားကိုရင်းနှီးတဲ့ မိတ်ဆွေလိုမြင်လိုက်လို့ပါ” လို့ပြန်ဖြေလိုက်ပါတယ်။

မိတ်ဆွေများ ပြုံးပျော်နိုင်ကြပါစေ။
မေတ္တာဖြင့်

ဒေါက်တာသိန်းလွင် ပါမောက္ခ (ငြိမ်း) ပညာရေးစိတ်ပညာဌာန၊ ရန်ကုန်ပညာရေးတက္ကသိုလ်