ဒီနေ့မြင့်မြတ်စွာနေထိုင်ခြင်းအကြောင်းကို Food for Thought 798 အဖြစ်မျှဝေလိုက်ပါတယ်။
ဒေါက်တာသိန်းလွင် ပါမောက္ခ (ငြိမ်း) ပညာရေးစိတ်ပညာဌာန၊ ရန်ကုန်ပညာရေးတက္ကသိုလ်
"မြင့်မြတ်သောနေထိုင်ခြင်း"
လူ့ဘဝရောက်လာတာအရင်တုန်းကလုပ်ခဲ့တဲ့ကုသိုလ်ကောင်းမှုကြောင့်ပါ။ဒါကိုအလေးမထားတဲ့လူတွေကပေါ့ပေါ့နေတယ်
ပေါ့ပေါ့လုပ်ကြတယ်။ကြုံတဲ့ဘဝမှာပျော်သလိုနေကြပြီးဘဝတစ်ခုကုန်ဆုံးသွားတာများပါတယ်။
ကောင်းတဲ့လူတွေကျတော့
မိမိ သူတပါးကောင်းကျိုးကိုလုပ်ကြတယ်။ရှင်သန်နေသမျှ မိမိနဲ့ကမ္ဘာကြီးကို
စွမ်း သမျှ
ကောင်းအောင်လုပ်ကြတယ်။လူတော်တိုင်းလူကောင်းမဖြစ်နိုင်တာကိုသတိပြုစေလိုပါတယ်။
မြင့်မြတ်တဲ့
နေခြင်းဆိုတာကတော့သတိနဲ့အစဥ်နေထိုင်ခြင်းပါပဲ။သတိကိုမိမိရဲ့ခန္ဓာထဲကမထွက်အောင်ထား
နိုင်မှမြင့်မြတ်သောနေထိုင်ခြင်းလို့ဘုရားရှင်ကမိန့်ခဲ့ပါတယ်။
•
ဥပမာအားဖြင့်...ဘုရားရှင်လက်ထက်မှာသံဃာတစ်ပါးကလျောက်ထားပါတယ်။သူဟာသူ့ရဲ့စိတ်ကိုဒီကျောင်းဝင်းအပြင်မထွက်အောင်သတိနဲ့ထိမ်းသိမ်းစောင့်ရှောက်ပါတယ်တဲ့
(ဘုရားကသာဓုမခေါ်ပါဘူး)။
•
နောက်တပါးက
လျောက်ပြန်တယ်သူဟာသူ့ရဲ့စိတ်ကိုဒီကျောင်းဆောင်ထဲကမထွက်အောင်သတိနဲ့ထိမ်း
သိမ်းစောင့်ရှောက်ပါတယ်တဲ့ (ဘုရားကသာဓုမခေါ်ပါဘူး)၊
•
နောက်တပါးကတော့ သူဟာသူ့ရဲ့စိတ်ကိုသူ့ခန္ဓာအပြင်မရောက်စေအောင်သတိနဲ့ ထိမ်း
သိမ်းစောင့် ရှောက် ပါတယ်တဲ့ (ဒီကျမှ ဘုရားကသာဓုခေါ်ပါတယ်)။
စိတ်ကိုခန္ဓာအပြင်မထွက်အောင်သတိနဲ့ဘယ်လိုစောင့်ရှောက်မလဲ။
အချက်သိရင်တကယ်လွယ်ပါတယ်။ကျွန်တော်တို့စိတ်တွေဘာလို့အပြင်ထွက်နေလဲ။ အာရုံနောက် လိုက်နေလို့ပါ။
မျက်စိက
ကားကိုမြင်တယ်...စိတ်(မနော)မှာကားလို့သိတယ်။ဘာပြဿနာမှမရှိဘူး(no problems)
ခန္ဓာငါးပါးမှာ ပါ တဲ့သညာမှတ်ထားတဲ့အတိုင်းပြန်ပေါ်တာ၊သဘာဝပဲ။
လာပါပြီနောက်တစ်စိတ်...ဆက်တွေးတယ် ကားလေး ကလှလိုက်တာ
နောက်ဆုံးမော်ဒယ်လေးထင် တယ်။(အဲတာမှ စိတ်ကခန္ဓာအပြင်ထွက်သွားပါပြီ။
ပြဿနာပါပဲ)
ဆိုလိုချင်တာကမြင်၊ကြား၊နံ၊စား၊ထိတဲ့အာရုံငါးပါး...သဘာဝတရားပါပဲ။မနောကသိလိုက်တယ်၊ဘာမှမဖြစ်သေးဘူး။အဲဒီအာရုံဆီကိုစိတ်ထွက်သွားတယ်
(တဏှာ ဥပါဒါန်ကပ်သွားပြီ)ခုနက ကားကိုမြင်ရင်မြင် တဲ့စိတ်မှာမရပ်နိုင်
တော့ဘူး။ဆက်တွေးတယ်ကိလေသာဖြစ်တယ်။ပိုဆိုးလာရင်ကံမြောက်တော့မယ်။
အဲလိုကားမျိုးမရမနေဝယ်နိုင်ဖို့ အားထုတ်တော့မယ်။ကံတွေကြောင့်
ဘဝတွေဆက်ဖြစ်ပြီ (စာလိုပြော ရင် ပဋိစ္စသမုပါဒ်လည်တာပေါ့)။ အဲတာ
စိတ်ကခန္ဓာအပြင်ထွက်လို့ပါ။စိတ်အပြင်မထွက်မအာင်သတိရှိ လိုက်တာနဲ့
မြင်ရင်မြင်တာနဲ့ရပ်သွားပြီ (ကားကို မြင် တယ်ပေါ့ ဆက်မတွေးနဲ့)၊ဒါဟာ
ဒိဌေဒိဌမတ္တံ ကျင့် စဥ် ပါပဲ။
ဒီလိုသတိနဲ့နေထိုင်ခြင်းကိုပဲ ဘုရားရှင်က "မြင့်မြတ်သောနေခြင်း"လို့ဟောခဲ့တာပါ။
ဓမ္မမိတ်ဆွေတို့လည်း မြင့်မြတ်စွာနေထိုင်ခြင်းမျိုးဖြစ်ကြပါစေ။
မေတ္တာဖြင့်
ဒေါက်တာသိန်းလွင် ပါမောက္ခ (ငြိမ်း) ပညာရေးစိတ်ပညာဌာန၊ ရန်ကုန်ပညာရေးတက္ကသိုလ်
No comments:
Post a Comment