ဘဝဆိုတာလက်ဆောင် တစ်ခုပါ Food for Thought 668

 


ဘဝဆိုတာတိုတောင်းပါတယ်။ လူ့ဘဝရလာတာက လက်ဆောင်ကောင်းတစ်ခုပါ။ လက်ဆောင်ကောင်းကို တန်ဖိုးထားပြီး တန်ဖိုးရှိစွာသက်ရှင်နေနိုင်ဖို့ကအရေးကြီးလှပါတယ်။ ဒါကြောင့် “ဘဝဆိုတာလက်ဆောင် တစ်ခုပါ” ဆိုတာကို Food for Thought 668 အဖြစ်ဒီနေ့မျှဝေလိုက်ပါတယ်။
ဘဝဆိုတာလက်ဆောင်တစ်ခုပါ

 သတိရမိပါစေ…

 ကြမ်းတမ်းတဲ့စကားကိုပြောဖို့ကြံရွယ်လိုက်တိုင်း ဆွံ့အပြီး စကားမပြောနိုင်သူများကို သတိရ မိပါစေ။

 အစားအသောက် မကောင်းလို့ စိတ်ညစ်မိတဲ့အခါတိုင်း စားစရာမရှိ၍ ငတ်ပြတ်နေသောသူများကို သတိရမိပါစေ။

 ကိုယ့်ဇနီး (သို့) ကိုယ့်လင်သားကို စိတ်ကျေနပ်မှုမရှိကာ စိတ်တို ဒေါသထွက် သည့်အခါတိုင်း တစ်ကိုယ် တည်း အဖော်မဲ့ကာ အထီးကျန်နေသူများကို သတိရမိပါစေ။

 ကိုယ့်ဘဝကိုယ် မကျေနပ်ဖြစ်မိသည့်အခါတိုင်း ရှင်သန်ခြင်းဘဝအား စောစီးစွာ ကျောခိုင်း သွားရသူများကို သတိရမိပါစေ။

 ကိုယ့်သားသမီးများကို စိတ်ကျေနပ်မှု မရှိသည့် အခါတိုင်း သားသမီးမရနိုင်၍ ယူကြုံးမရ ဖြစ်နေသူများကို သတိရမိပါစေ။

 တစ်ယောက်ယောက်က စည်းကမ်းလိုက်နာမှု အားနည်းလို့ ကိုယ့်အိမ် ညစ်ပတ်ကာ မကျေမချမ်း စိတ်တို ဒေါသထွက်နေပါက နေစရာအိမ်မရှိလို့ လမ်းပေါ်အိပ် လမ်းပေါ်စား နေရသူများကို သတိရမိပါစေ။

 ကားမောင်းရတဲ့ လမ်းခရီးဟာ ရှည်လျား ကြမ်းတမ်းလို့ ငြီးငွေ့စိတ်တိုဒေါသထွက်နေပါကအဲဒီလမ်း ခရီးကိုပဲ လမ်းလျှောက်သွားနေရတဲ့ သူများကို သတိရမိပါစေ။

 ကိုယ့်အလုပ်မှာ ပင်ပန်းလွန်းလို့ အဆင်မပြေ တာတွေ ကြုံရလို့မကျေမချမ်းဖြစ်ကာစိတ်ညစ်နေပါ ကအလုပ်လုပ်ချင်သော်လည်း အလုပ်မရရှိကြသူ များ အလုပ်ထုတ်ခံရသူများ ကိုယ်အင်္ဂါချို့တဲ့ သဖြင့် အလုပ်မလုပ်နိုင်သူများကို သတိရမိပါစေ။

 တစ်စုံတစ်ယောက်ကို အပြစ်မြင်ကာ စိတ်တို ဒေါသထွက်နေပါက ကျွန်ုပ်တို့အားလုံး အမှား တစ်ခု မဟုတ် တစ်ခု ပြုမိခဲ့ဖူးကြတာကို သတိရမိပါစေ။

 အဆင်မပြေမှုများ ကြုံတွေ့ကာ စိတ်ဓာတ်ကျ နေပါက အနည်းဆုံးတော့ သင်,အသက်ရှင်သန် နေသေးတယ် ဆိုတာကို သတိရမိပါစေ။

မိတ်ဆွေများ ရရှိလာတဲ့ဘဝကို မြတ်နိုးတန်ဖိုးထားပြီး တန်ဖိုးရှိတဲ့သက်ရှင်နေထိုင်မှုဖြစ်အောင် အားထုတ် နိုင်ကြပါစေ။ တန်ဖိုးရှိတဲ့လူများဖြစ်အောင် ကြိုးစားအားထုတ်နိုင်ကြပါ‌စေ။

ဒေါက်တာသိန်းလွင်
ပါမောက္ခ၊ (ငြိမ်း) ပညာရေးစိတ်ပညာဌာနာ၊ ရန်ကုန်ပညာရးတက္ကသိုလ်။