ဆူခြင်းအော်ဟောက်ခြင်းရဲ့ဆိုးကျိုးများ Food for Thought 681 ဒေါက်တာသိန်းလွင်

ဒီနေ့ကလေးများကို ဆူခြင်း၊ အော်ခြင်း၊ ဟောက်ခြင်း တို့ဟာ ဘယ်လိုဆိုးကျိုးတွေ ဖြစ်စေကြောင်း လေ့လာတွေ့ရှိချက်များကို Food for Thought 681 အဖြစ်မျှဝေ လိုက်ပါ တယ်။
ဒေါက်တာသိန်းလွင်
ပါမောက္ခ၊ (ငြိမ်း) ပညာရေးစိတ်ပညာဌာနာ၊ ရန်ကုန်ပညာရးတက္ကသိုလ်။


ဆူခြင်းအော်ဟောက်ခြင်းရဲ့ဆိုးကျိုးများ

ကလေးတွေကိုလေ့ကျင့်ပြုပြင်ပေးရာမှာ အော်ဟောက်ခြင်းရဲ့သက်ရောက်မှုများ

ကလေးတွေကိုစည်းကမ်းပေးတဲ့အလုပ်မှာစိန်ခေါ်မှုတွေများစွာရှိပါတယ်။ စိတ်မရှည် တော့တဲ့အတွက် အော်ဟောက်ဆူတာ အလုပ်ဖြစ်ပါသလား။
မိဘတိုင်းကသူတို့ကလေးအတွက်အကောင်းဆုံးဖြစ်စေလိုကြပါတယ်။ အထူးသဖြင့် ကလေးတွေဟာ မသင့်တဲ့ အပြုအမူတွေလုပ်နေတဲ့အခါ ဆုံးမသွန်သင်ပေးရတာအ ခက်ခဲဆုံးဖြစ်တတ်ပါတယ်။ ခက်ခဲတဲ့အတွက် ဆူမယ်၊ အော်မယ်၊ ဟောက်မယ်ဆို တာ မျိုးတွေလုပ်မယ်ဆိုရင် ကလေးအပေါ် ရေရှည်အကျိုးဆက်ဘာတွေဖြစ်နိုင်ပါသလဲ။

အော်ခြင်းဆူခြင်းဟောက်ခြင်းတို့ဟာ နာကျင်အောင်အပြစ်ပေးအရေးယူးခြင်းနှင့်တူတဲ့ အကျိုးဆက်များဖြစ်စေတတ်ကြောင်းသုတေသနများကထောက်ပြထားပါတယ်။ အမြဲ လိုလို အဆူအအော်အဟောက်ခံနေရတဲ့ကလေးတွေဟာ စိတ်ပူပင်သောကရောက်ခြင်း၊ စိတ်ဓာတ်ကျခြင်း၊ စိတ်ဖိစီးမှုများခြင်းစတဲ့အပြုအမူပိုင်းဆိုင်ရာ ပြဿနာများဖြစ်လာ တတ်ပါတယ်။ အရိုက်အနှက်ခံရတဲ့ကလေးတွေမှာဖြစ်တတ်တဲ့စိတ်လှုပ်ရှားခံစားမှုဆိုင်ရာပြဿနာများလည်းဖြစ်လာတတ်ကြပါတယ်။ အောက်ပါစကားများကိုသုံးပြီး ဆူခြင်းအော်ခြင်း ဟောက်ခြင်းများပြုလုပ်တဲ့အခါ ပိုပြီး ဘေးအန္တရာယ်များစေပါတယ်။

• ကလေးစိတ်မှာနာကျင်စေတဲ့စကားများ၊ ရင့်သီးကြမ်းတမ်းတဲ့စကားများ၊ (နင် ဟာလေ ဘာမှသုံးမရဘူး၊ ငါ့ကိုအမျိုးမျိုးဒုက္ခပေးနေတာပဲစသဖြင့်)

• အပြစ်တင်တဲ့စကားများ (နင်လုပ်လိုက်ရင်ဒီလိုပဲ ဘယ်တော့မှအဆင်မပြေဘူး)

• ကလေးအရှက်ရစေတဲ့စကားများ (နင်ထက်ငယ်တဲ့ကလေးတွေတောင်နင်ထက် သာအောင်လုပ်နိုင်တယ်၊ နင်က ဘာမှ အဆင်ပြောအောင် မလုပ်တတ်ဘူး။)

ကလေးကိုဆူခြင်း၊ အော်ခြင်း၊ ဟောက်ခြင်းကဘယ်လို ဘေးအန္တရာယ်များဖြစ်စေတတ် ပါသလဲ။

ကလေးကိုဆူခြင်း၊ အော်ခြင်း၊ ဟောက်ခြင်းတို့ကကလေးများအပေါ် ရေတို၊ ရေရှည် အပျက် သဘောဆောင်တဲ့စိတ်ပိုင်းဆိုင်ရာအကျိုးပျက်မှုများဖြစ်စေတတ်ပါတယ်။

ရေတိုစိတ်ပိုင်းဆိုင်ရာအကျိုးသက်ရောက်မှုများကတော့ အောက်ပါတို့ဖြစ်ပါတယ်။

• ရန်လိုတဲ့အပြုအမူများဖြစ်ပေါ်လာခြင်း

• စိတ်ပူပင်သောကရောက်တဲ့လက္ခဏာများတွေ့လာရခြင်း

• အပြုအမူဆိုင်ရာပြဿနာများဖြစ်လာခြင်း (ဥပမာ ယောက်ျားလေးများမှာဆိုရင် မိမိကိုယ်မိမိထိန်းသိမ်းနိုင်မှု မရှိဖြစ်လာတတ်ခြင်း၊ မိန်းကလေးတွေမှာတော့ စိတ် ပျက်ပြီးဒေါသဖြင့် တုံ့ပြန်တတ်ခြင်းများဖြစ်လာနိုင်ပါတယ်။)

• မိဘများနှင့် ထိတွေ့မှုကင်ဝေးအောင်ရှောင်လာတတ်ကြပါတယ်။
ရေရှည်စိတ်ပိုင်းဆိုင်ရာအကျိုးသက်ရောက်မှုများကတော့ အောက်ပါတို့ဖြစ်ပါတယ်။

• အပြုအမူပိုင်းဆိုင်ရာပြဿများပိုဆိုးလာခြင်း (တစ်ချို့မိဘများက အော်ခြင်း၊ ဆူခြင်း၊ ဟောက်ခြင်းတို့ကို မသင့်တဲ့ကလေးအပြုအမူများကို အမြန်ပျောက် အောင် လုပ်တဲ့နည်း အဖြစ်သုံးတတ်ကြပါတယ်။ သို့မဟုတ်နောက်ပိုင်းအလားတူ မသင့်တဲ့အပြုအမူတွေထပ် ဖြစ်မလာအောင်တားဆီးဖို့အသုံးပြုတတ်ကြပါတယ်။ ဒါပေမဲ့လေ့လာတွေ့ရှိချက်များ အရ အော်ခြင်း၊ ဆူခြင်း၊ ဟောက်ခြင်းတို့ဟာအ‌ခြေအနေကိုပိုဆိုးလာစေပြီး ကလေးအ ပြုအမူတွေကို လည်းပိုဆိုးလာစေတတ်ပါတယ်။ အဲဒီလို ဆူအော်ဟောက်ခံရတဲ့ကလေး တွေ ဟာသူတို့ရဲ့မသင့်တဲ့အပြုအမူတွေကိုပိုကောင်းလာအောင်မပြောင်းတဲ့အပြင် ပိုဆိုး တဲ့အပြုအမူများပိုလုပ်ပြသခါ မိဘကို ဆန့်ကျင်ပြီးတန်ပြန်လုပ်ပြလာ တတ်ကြပါတယ်။ မိဘကအော်ဟောက်ဆူလေလေ ကလေးကလည်းမသင့်တဲ့ အပြုအမူပို လုပ်ပြလေလေ ဖြစ်တတ်ပါတယ်။ ဒီတော့ မိဘက ပိုအော် ဟောက်ဆူတာတွေဖြစ်လာစေပါတယ်။ ဒါ ကြောင့် အော်ဟောက်ဆူတဲ့နည်း အဆိုးသံသရာကို ပိုပြီးဆက်လက်လည်စေပါတယ်။

• အော်ခြင်းဆူခြင်းဟောက်ခြင်းကြောင့် ကလေးဦးနှောက်ဖွံ့ဖြိုးတိုးတက်ရေးကို အတား အဆီးဖြစ်စေပါတယ်။ဆူခြင်းအော်ဟောက်ခြင်းနှင့်အခြားသောကြမ်းတမ်းတဲ့ပြုပင်ပေးတဲ့နည်းတွေကကလေးဦးနှောက်ဖွံဖြိုးတိုးတက်မှုကိုပြောင်းသွားစေတတ်ပါတယ်။ ဘာ ကြောင့်လဲဆိုတော့ လူသားရဲံဦးနှောက်ကအပြုသဘောဆောင်တဲ့ ဖြစ်ရပ်တွေထက်အ ပျက်သဘောဆောင်တဲ့ဖြစ်ရပ်တွေကိုပိုလျင်မြန်စွာတုံ့ပြန် တတ် တဲ့အတွက်ဖြစ်ပါတယ်။ သံလိုက်ဓာတ်မှန် (MRI) ပုံရိပ်တွေမှာဆိုရင် ငယ်စဥ်ကတည်းကမိဘတွေရဲ့ဆူအော် ဟောက် ခံရတဲ့လူတွေ မှာ သိသိသာ သာ ပြောင်း လဲနေတာကိုတွေ့ရပါတယ်။ အသံနှင့် ဘာသာစကားကို လက်ခံ ပြီး လိုအပ် သလို ဆက်လက်လုပ်ဆောင်ရတဲ့ဦးနှောက်အပိုင်း မှာ ခြားနားကွဲပြားတာတွေ ဖြစ်နေတာတွေ့ရပါတယ်။

• ဆူပူအော်ဟောက်တာခံရတဲ့ကလေးတွေမှာစိတ်ဓာတ်ကျမှုဖြစ်လာပါတယ်။ အအော်ခံ လိုက်ရတဲ့ကလေးစိတ်မှာ နာကျင်သွားပါတယ်။ ကြောက်လန့်သွား ပါတယ်။ ဝမ်းနည်း သွားပါတယ်။ အဲဒီအတွေ့အကြုံမျိုးခဏခဏဖြစ်လာရင် ကလေးရဲ့စိတ်ကျန်းမာရေး ကို ထိခိုက်လာမှာဖြစ်ပါတယ်။ နောက်ဆက်တွဲ အဖြစ် စိတ်ဓာတ်ကျခြင်း၊ စိတ်ပူပင်သောက ရောက်ခြင်းတွေဖြစ်လာစေပါတယ်။ စိတ် ဓာတ်ကျမှုကြောင့်မိမိကိုယ်မိ ဖိုက်စီးလိုတဲ့ စိတ်တွေဖြစ်လာစေနိုင်ပါတယ်။ ဥပမာ မူးယစ်ဆေးသုံးလာခြင်း၊ ဘေးများတဲ့လိင်ပိုင်း ဆက်ဆံမှုတွေပြုလုပ်လာခြင်း၊ (ဆယ်ကျော်သက်များ) မိမိကိုယ်မိမိသတ်သေခြင်း စတာ မျိုးတွေအထိ ဖြစ်လာစေတတ်ပါတယ်။

• ကိုယ်ခန္တာကျန်းမာရေးအပေါ်ဆိုးတဲ့အကျိုးသက်ရောက်မှုများရှိစေပါတယ်။ ကလေးတွေမှာ အဆူအအော်အဟောက်ခံရမှုကြောင့် စိတ်ဖိစီးမှုများဖြစ်ရာမှ ကိုယ်ခန္တာ ကျန်းမာရေးကိုပါ ထိခိုက်လာစေတတ်ပါတယ်။ အဲဒီလိုအဆူအအော် အဟောက်ခံရတဲ့ ကလေးတွေဟာ ကြီးလာတဲ့အခါ တစ်ချို့သောကျန်းမာရေး ပြဿနာများပိုရှိ လာစေတတ်ပါတယ်။

• ငယ်စဥ်ကအအော်အဆူအဟောက်ခံရတဲ့ကလေးတွေဟာ လူကြီးဘဝရောက်တဲ့ အခါ ရေရှည်ကိုယ်လက်နာကျင်မှုများဖြစ်လာစေတတ်ပါတယ်။ အဆစ်အမြစ် ရောင်ရောဂါများ၊ ခေါင်းကိုက်ဝေဒနာများ၊ နောက်ကျောနှင့် လည်ပင်း နာကျင်တဲ့ ရောဂါများနှင့်အခြားသောရေရှည်နာကျင်တဲ့ရောဂါများဖြစ်လာတတ်ကြ ပါတယ်။

• ငယ်စဥ်ကအအော်အဆူအဟောက်ခံရတဲ့ကလေးတွေဟာ လူကြီးဘဝရောက်တဲ့ အခါ အောက်ပါစိတ်လှုပ်ရှားခံစားမှုဆိုင်ရာပြဿနာများလည်းဖြစ်လာစေတတ် ပါ တယ်။

o စိတ်ပူပင်သောကရောက်မှု
o မိမိကိုယ်မိမိလေးစားတန်ဖိုးထားမှုနိမ့်ကျခြင်း
o အပြုအမူပိုင်းဆိုင်ရာပြဿနာများ
o အခြားလူတွေအပေ့ါအနိုင်ကျင့်တတ်တဲ့အပြုအမူများဖြစ်လာခြင်း
o အများနှင့်ပေါင်းသင်းဆက်ဆံရေးဆိုင်ရာပြဿနားဖြစ်လာခြင်း
ဒါကြောင့် မသင့်တဲ့အပြုအမူအမြန်ပျောက်အောင်ဆူအော်ဟောက်ဆုံးမတာက “ပေါ့စေ လိုလို့ကြောင်ရုပ်ထိုး၊ဆေးအတွက်ကြောင့်လေး” ဆိုတာမျိုးဖြစ်တတ်ပါတယ်။ ဒါကြောင့် ကလေးများကို ဆူအော်ဟောက်ဆုံးမမဲ့အစားမိမိစိတ်ကိုထိန်းလျက် ချိုသာစွာပြောဆို ဆုံးမပါက ပိုကောင်းတဲ့အကျိုးကျေးဇူများရရှိစေမှာဖြစ်ကြောင်း လေးစားစွာ မျှဝေ တင်ပြလိုက်ပါတယ်။

မိတ်ဆွေများ ကလေးများကိုဆူခြင်း၊ အော်ခြင်း၊ ဟောက်ခြင်းစတာမျိုးတွေမသုံးဘဲ ချိုသာစွာပြောဆိုဆုံးမမှုများပြုလုပ်ခြင်းဖြင့် မိဘရောကလေးပါ စိတ်ချမ်းသာပြီး ပျော်ရွှင်စွာနေနိုင်ကြပါစေ။
မေတ္တာဖြင့်

ဒေါက်တာသိန်းလွင်
ပါမောက္ခ၊ (ငြိမ်း) ပညာရေးစိတ်ပညာဌာနာ၊ ရန်ကုန်ပညာရးတက္ကသိုလ်။