အစားထိုးလို့မရတဲ့သင် Food for thought 691

 


အစားထိုးလို့မရတဲ့သင်

သင်မှာစွမ်းဆောင်နိုင်တာတွေများစွာရှိပါတယ်။ စွမ်းဆောင်နိုင်တာတွေကို အ‌ကောင်းဆုံးအသုံးချမယ်ဆိုရင် သင်ဟာ ပတ်ဝန်းကျင်လောကအတွကို ကောင်းကျိုးများစွာပြုနိုင်မှာဖြစ်ပါတယ်။ ဒါကြောင့်အစားထိုးလို့ မရတဲ့သင်ဆိုတာကို Food for Thought 691အဖြစ်မျှဝေလိုက်ပါတယ်။

၁။ အရိပ်လေးလို အေးမြပါ၊ မှိခိုသူတိုင်းစိတ်ချမ်းသာ။

၂။ ငှက်ကလေးတွေလိုတေးဆိုပါ၊ ကြားရသူတိုင်းကြည်နူးမှာ။

၃။ ကလေးတွေလိုရယ်မောပါ၊ ပေါ့ပေါ့ပါးပါး ရွှင်ကြည်စွာ။

၄။ လေပြေလေးညှင်း လေးလိုသာ၊ညင်ညင်သာ၊ ထိတွေ့သူတိုင်း အေးမြမှာ။

၅။ မိမိကစတင်လို့သာ၊ တွေ့မြင်သူများကို ပြုံးပြတော့၊ တွေ့မြင်သူတိုင်းကြည်နူးပေါ့။

၆။ ကြယ်ကလေးတွေလိုလင်းလက်ပါ၊ အမှောင်ခွင်းလို့ အလင်းဆောင်တာ။

၇။ မိုးရေလေးလိုအေးမြပါ၊ ထိတွေ့သူတိုင်း စိတ်ချမ်းသာ။

၈။ နေရောင်လေးလို၊ လင်းလက်ခါ၊ အနွေးဓာတ်ကိုပေးပါ၊ အားလုံးလင်းလက်နွေးနေမှာ။

၉။ ကလေးတစ်ယောက်ရဲ့ပွေ့ဖက်မှုလိုချစ်စရာကောင်းပါ၊ ထိတွေ့သူတိုင်း လွန်ဝမ်းသာ။

၁၀။ ချိုချိုသာသာအပြန်အလှန်ဆက်ဆံပါ၊ ဆက်ဆံသူတိုင်းစိတ်ချမ်းသာ။

၁၁။ နေ့သစ်တိုင်းအတွက်ကျေးဇူးတင်ပါ၊ ရှင်သန်နေရမှုအတွက် ကျေးဇူးတင်ပါ။

မိတ်ဆွေများ ပတ်ဝန်းကျင်လောကကိုအကောင်းဆုံအကျိုးပြုနိုင်ကြပါစေ။
မေတ္တာဖြင့်
ဒေါက်တာသိန်းလွင်
ပါမောက္ခ၊ (ငြိမ်း) ပညာရေးစိတ်ပညာဌာနာ၊ ရန်ကုန်ပညာရးတက္ကသိုလ်။