ဒစ်ဂျစ်တယ်ပစ္စည်းများကိုသင်ကြားသင်ယူးရေးမှာသုံးခြင်းကကျောင်းသားများအပေါ်သက်ရောက်စေတဲ့အကျိုးအပြစ်များ Food for Thought 743

 

ဒီနေ့ဒီဂျစ်တယ်နည်းပညာအခြေခံတဲ့ပစ္စည်းများကို သင်ကြားသင်ယူရေးမှာ သုံးတဲ့အတွက် ကျောင်းသားများ အပေါ်သက်ရောက်စေနိုင်တဲ့အကျိုးအပြစ်များကို ချင့်ချိန်သုံးသပ်နိုင်စေရန် “ဒစ်ဂျစ်တယ်ပစ္စည်းများကိုသင်ကြားသင်ယူရေးမှာသုံးခြင်းက ကျောင်းသားများအပေါ်သက်ရောက်စေတဲ့အကျိုးအပြစ်များ” အကြောင်းကို Food for Thought 743 အဖြစ်မျှဝေလိုက်ပါတယ်။
ဒေါက်တာသိန်းလွင် ပါမောက္ခ (ငြိမ်း) ပညာရေးစိတ်ပညာဌာန၊ ရန်ကုန်ပညာရေးတက္ကသိုလ်


ဒစ်ဂျစ်တယ်ပစ္စည်းများကိုသင်ကြားသင်ယူးရေးမှာသုံးခြင်းကကျောင်းသားများအပေါ်သက်ရောက်စေတဲ့အကျိုးအပြစ်များ

အသုံးချသိပ္ပံဒစ်ဂျစ်တယ်နည်းပညာဟာကမ္ဘာပေါ်ရှိလူတိုင်းအတွက် များစွာအကျိုးပြုစေပါတယ်။ ဒါပေမဲ့ ချင့်ချိန်ပြီး အသိဥာဏ်ဖြင့်ယှဥ်မသုံးရင် အပျက်သဘော ဆောင်တဲ့အကျိုးသက်ရောက်မှုမျာလည်းရှိနေပါတယ်။

မယုံနိုင်လောက်အောင် နည်းပညာအတတ်ပညာပိုင်းမှာ တိုးတက်တိုးတက်ပြောင်းလဲလာမှုနှင့်အညီ အဲဒီဒစ်ဂျစ် တယ် နည်းပညာရပ်ကလူတွေရဲ့နေ့စဥ်ဘဝမှာ နေရာယူမှုနှင့် အကျိုသက်ရောက်လာမှုကလည်း ကျယ်ပြန့်လာခဲ့ ပါတယ်။ လူတွေရဲ့ဘဝနယ်ပယ်အစုံမှာ ပိုလွယ်ကူသက်သာစေမှုများဖြစ်လာစေပါတယ်။ ပညာရေးနယ်ပယ်၊ အားကစားနယ်ပယ်၊ ဆိုတဲ့နယ်ပယ်တွေမှာ နောက်ဆုံးခေတ်မှီသတင်းအချက်အလက်များကို လွယ်ကူစွာရရှိစေ နိုင်ပါတယ်။ သင်ကြားရေးနှင့်သင်ယူလေ့လာရေးနယ်ပယ်မှာ အသုံးချသိပ္ပံ ဒီဂျစ်တယ်နည်းပညာကကြီး မား စွာအကျိုးပြုခဲ့ပါ တယ်။

အသုံးချသိပ္ပံ ဒစ်ဂျစ်တယ်နည်းပညာကပညာရေးမှာ အပြုသဘောဆောင်တဲ့အကျိုးသက်ရောက်မှုများရှိစေသလို အပျက်သဘောဆောင်တဲ့အကျိုးသက်ရောက်မှုများလည်းရှိနေပါတယ်။

ဒီဂျစ်တယ်နည်းပညာကကျောင်းသားများအပေါ် အပြုသဘောဆောင်တဲ့အကျိုးသက်ရောက်မှုများ

ဒီဂျစ်တယ်နည်းပညာကိုသုံးပြီးသစ်ဆန်းတဲ့သင်ကြားနည်းများဖန်တီးနိုင်ခဲ့ပါတယ်။ အဲဒီနည်းသစ်တွေက ဆရာ နှင့် တပည့်များအတွက် အားထားနိုင်တဲ့သင်နည်းကောင်းများဖြစ်ပါတယ်။ ထိရောက်စွာသင်ကြား၊ သင်ယူနိုင် အောင်အဲဒီနည်းလမ်းများကိုသုံးနိုင်ပါတယ်။ အဲဒီနည်းလမ်းတွေကိုသုံးခြင်းဖြင့် သင်ပေးသူနှင့်သင်ယူသူတို့ဟာ စွမ်းအားကောင်းကောင်းဖြင့် သင်ကြားသင်ယူနိုင်လာစေပါတယ်။ အပြုသဘောဆောင်တဲ့အကျိုးသက်ရောက်မှု များ ကိုအောက်ဘက်မှာတင်ပြထားပါတယ်။

၁။ ကျောင်းသားများမှာနည်းပညာ၊ အတတ်ပညာဆိုင်ရာကျွမ်းကျင်မှုများရရှိလာစေပါတယ်။

မျက်မှောက်ခေတ်မှာအတန်းထဲမှကွန်ပျူတာသုံးမှုကပုံမှန်လိုအပ်ချက်ဖြစ်လာပါတယ်။ အွန်လိုင်းမှာ လိုချင်တဲ့ သတင်းအချက်အလက်များကိုလွယ်ကူစွာရရှိနေပါတယ်။ကျောင်းသားများဟာကွန်ပျူတာသုံးပြီး အင်တာနက်မှာ သူတို့ လိုအပ်တဲ့သတင်းအချက်အလက်များကိုရှာနိုင်ကြပါတယ်။ လိုချင်တဲ့သတင်းအချက်အလက်များရရှိတဲ့ အတွက် သူတို့ကိုသုံးပြီးပို ထိရောက်တဲ့သင်ယူမှုကိုပြုလုပ်နိုင်ကြပါတယ်။ အဲဒီလို နည်းပညာပိုင်းအတတ်ပညာ ပိုင်းဆိုင်ရာမှာ ပိုသုံးလာနိုင်တာနှင့်အမျှ ကျောင်းသားများအနေဖြင့် နည်းပညာအတတ်ပညာပိုင်း ဆိုင်ရာ ကျွမ်း ကျင်မှုများကို သူတို့ ဘဝတိုးတက်ရေးအတွက်အသုံးပြုလာနိုင်မှာဖြစ်ပါတယ်။

၂။ သင်ယူမှုကို မြှင်တင်ပေးပြီကျောင်းသားများအတွက် အထောက်အကူပေးပါတယ်။

အတတ်ပညာနည်းပညာတွေက အပြုသဘောအဆောင်ဆုံးအကျိုးပြုသည်မှာ သင်ကြားမှုကို မြင့်မားစွာတိုးတက် အောင် အထောက်အကူပြုမှုပင်ဖြစ်ပါတယ်။ ကျောင်းသားများအနေဖြင့် သင်ယူမှုမှာ အခက်အခဲရှိနေပါက အွန်လိုင်းမှာတက်ပြီး လိုအပ်တဲ့သတင်းအချက်အလက်များကိုကွန်ပျူတာသုံးပြီးရှာနိုင်ပါတယ်။ လက်ဖြင့် တစ် ချက် ခေါက်လိုက်တာနဲ့လိုချင်တဲ့အချက်အလက်ရရှိနေခြင်းမှာ အလွန်အားကောင်းတဲ့အချက်ဖြစ်နေပါတယ်။ မျက်မှောက်ခေတ်မှာ ကွန်ပျူတာ၊ လက်ကိုင်ဖုန်း၊ အိုင်ပက်စတာတွေကို လူနှင့်အတူ အလွယ် တကူယူ သွား နိုင်အောင်စီစဥ်ထားတဲ့အတွက် ကျောင်းသားတွေဟာ သူတို့သင်ယူစရာတွေကို နေရာတိုင်းမှာ ထိုပစ္စည်းများ ကိုသုံပြီး သင်ယူနိုင်ကြ ပါတယ်။ စမတ်ဘုတ်ပြားနှင့် သုံးဘက်မြင် ပရင့်တာတွေကိုစာသင်ခန်းမှာ ကျောင်းသား များလက်လှမ်းမှီ အောင်စီစဥ်ထားပေးခြင်းဖြင့် ကျောင်းသားများအနေဖြင့် သူတို့ လေ့လာသင်ယူ နေတဲ့ ဘာသာရပ်မှာ အသုံးပြုနိုင် လာစေပါတယ်။

ကိုဗစ်ကူးစက်ရောဂါဖြစ်ပွားပြီးနောက် နည်းပညာအတတ်ပညာကို လူတွေသုံးလာမှုက ပိုကျယ်ပြန့်လာ စေပါ တယ်။ အိုင်လိုင်းမှသင်ကြားသင်ယူရေးကလည်း ပိုကျယ်ပြန့်လာတဲ့အတွက် ကျောင်းသားများအနေဖြင့် နည်းပညာအတတ်ပညာကို ပိုသုံးလာရပါတယ်။ ကိုဗစ်မတိုင်မှီကတော့ နည်းပညာအတတ်ပညာကိုသင်ကြား သင်ယူရေးမှာသုံးခဲ့ပါတယ်။ ကိုဗစ်အလွန်မှာတော့ နည်းပညာအတတ်ပညာကိုသုံးရေးမှာ မရှိမဖြစ်တဲ့လိုအပ် ချက် တစ်ခုဖြစ်လာခဲ့ပါတယ်။ နည်းပညာအတတ်ပညာဆိုင်ရာကိုဖန်တီးနေတဲ့ကုမ္ပဏီများကလည်း အသုံးပြု သူများသုံးရပိုလွယ်ကူစေမဲ့ပစ္စည်းကိရိယာများကို ထုတ်လုပ်နိုင်အောင် ကြိုးစားနေတဲ့အတွက် နောင်မှာ ပညာ ရေးတွင် နည်းပညာအတတ်ပညာမှာ ပိုအသုံးပြုလာနိုင်ဖို့အလားအလာများနေပါတယ်။

၃။ နည်းပညာအတတ်ပညာတို့ကကျောင်းသားတို့ရဲ့စိတ်ကို ပိုကျယ်ပြန့်လာစေပါတယ်။

ကျောင်းသားများအနေဖြင့် သင်ယူရေးမှာသူတို့အသုံးပြုတဲ့လက်နှက်မှာ သူတို့ဦးနှောက်ဖြစ်ပါတယ်။ နည်းပညာ အတတ်ပညာအားကောင်းတဲ့ပစ္စည်းတွေကို ပိုကျွမ်းကျင်စွာသုံးနိုင်လေလေ သူတို့မှာ စိတ်ကူးအသစ်အဆန်း များရရှိလာလေလေဖြစ်ပါတယ်။ မျက်မှောက်အချိန်မှာ သင်ရှာကြည့် လိုတဲ့ဘာသာရပ်၊ ခေါင်းစဥ်၊ သုတေသန စာတမ်း၊ ဂျာနယ်၊ ဗီဒီယိုစတာတွေကို စက္ကန့်ပိုင်းအတွင်းရှာဖွေတွေ့ရှိနိုင်လာပါတယ်။ အွန်လိုင်း ဝက်ဆိုက်တွေမှာ ဆိုရင်လည်း သန်းနဲ့ချီနေတဲ့စာအုပ်များကို လက်လှမ်းမှီနိုင်ကြပါတယ်။ မိမိအိမ်မှအပြင်ထွက်စရာမလိုဘဲ စာအုပ်များကို လက်လှမ်းမှီနေကြပါတယ်။

ဒါ့အပြင်သင့်စိတ်ကို ပိုရွှင်လန်းစေပြီး လေ့လာမှုမှာ ပိုအားစိုက်လုပ်နိုင်စေရန်အထောက်အကူဖြစ်စေတဲ့ ဗီဒီယို ဂိမ်းများကလည်း အွန်လိုင်းမှာအလွယ်တကူလက်လှမ်းမှိပြီးစိတ်အပန်းပြေကစားနိုင်ပါတယ်။ အဲဒီဗီဒီယိုဂိမ်း တွေက ကစားသူမှာ ပြဿနာ‌ဖြေရှင်းနိုင်တဲ့စွမ်းရည်များကိုလည်းတိုးတက်လာစေပါတယ်။

၄။ ChatGPT ကကျောင်းသားများအပေါ် အပြုသ‌ဘောဆောင်တဲ့အကျိုးသက်ရောက်မှုများ

ChatGPT မှာ ဥာဏ်ရည်တု AL ဘာသာစကားပုံစံတစ်မျိုးဖြစ်ပြီး ကျောင်းသားများလိုအပ်ချက်များကို ချက်ခြင်းတုံ့ ပြန်ပေးနိုင်နိုင်တဲ့အတွက် ကျောင်းသားများသင်ယူရေးမှာအရေးပါတဲ့အကျိုးသက်ရောက်မှုကို ဖြစ်စေနိုင်ပါ တယ်။ ကျောင်းသားများအနေဖြင့် ChatGPT ကိုသုံးပြီးသူတို့သိချင်တာတွေအတွက် ရှင်းလင်းချက်များရှာ နိုင်ပါတယ်။ အယူအဆသစ်များကိုသင်ယူတဲ့အခါ အပြန်အလှန်စကားပြောနေတဲ့ပုံစံဖြင့် မေးမြန်းသင်ယူလေ့ လာနိုင်ပါတယ်။
ChatGPT ကကျောင်းသားများအပေါ်အကျိုးသက်ရောက်နိုင်ပုံများကိုအောက်ဘက်မှာဖော်ပြထားပါတယ်။
• သင်ယူမှုကို အားကောင်းစေခြင်း - ChatGPT ကကျောင်းသားများအားသူတို့လိုချင်တဲ့သတင်းအချက် အလက်များ၊ ဗဟုသုတများကို အလွယ်တကူလက်လှမ်းမှီစေပြီးအယူအဆသစ်များကို လေ့လာသင် ယူရာမှာအထောက် အကူပြုပါတယ်။ ရှုပ်ထွေးတဲ့အကြောင်းအရာများကို နားလည်နိုင်စေပါတယ်။
• ပြဿနာဖြေရှင်နိုင်စွမ်းတိုးတက်စေခြင်း - ChatGPT ကကျောင်းသားများသိလိုတဲ့အချက်များကို အဆင့် လိုက်သတင်းအချက်အလက်များပေးခြင်းဖြင့် ကြုံလာတဲ့ပြဿနာများကိုဖြေရှင်းရာမှာ အထောက်အကူ ပြုပါတယ်။
• အချိန်ကုန်သက်သာစေခြင်း - ChatGPT ကကျောင်းသားများသိလိုတဲ့အကြောင်အရာများကို ချက်ခြင်း ရှာ ဖွေပေးနိုင်တဲ့အတွက် လိုချင်တဲ့အချက် အလက်ရအောင်အချိန်တွေများစွာအကုန်ခံနေရတဲ့လိုအပ် ချက်မျိုး ကိုဖယ်ရှားပေးပါတယ်။

ခြုံပြောရရင် ChatGPT ကကျောင်းသားများသင်ယူနိုင်မှုကိုလွယ်ကူအောင်ကူညီပေးပြီးကြုံလာတဲ့အခက်အခဲ ပြဿနာများကို လည်းဖြေရှင်းနိုင်စွမ်းတိုးတက်စေအောင်အထောက်အကူပြုပါတယ်။

ဒီဂျစ်တယ်နည်းပညာအတတ်ပညာပိုင်းဆိုင်ရာပစ္စည်းများကကျောင်းသားများအပေါ် အပျက်သဘောဆောင်တဲ့ အကျိုးသက်ရောက်စေမှုများ

ဒီဂျစ်တယ်နည်းပညာအတတ်ပညာပိုင်းဆိုင်ရာပစ္စည်းများကကျောင်းသားမျာအပေါ်အပြုသဘောဆောင်တဲ့အကျိုးသက်ရောက်မှုများရှိသကဲ့သို့ပင် အပျက်သဘောဆောင်တဲ့အကျိုးသက်ရောက်မုများရှိတာကိုလည်းသတိပြု မိရန် လိုအပ်ပါတယ်။ ကျောင်းသားများအပေါ် အပျက်သဘောအကျိုးသက်ရောက်မှုများကိုအောက်ဘက်မှာတင် ပြ ထားပါတယ်။

၁။ ပေါင်းသင်းဆက်ဆံရေးဆိုင်ရာကျွမ်းကျင်မှုများလျော့ကျစေပြီး အပျင်းထူလာစေနိုင်ပါတယ်။

အိုင်လိုင်းမှာ လိုအပ်တဲ့သတင်းအချက်အလက်များအလွန်များပြားစွာကိုအလွယ်တကူရရှိနိုင်တဲ့အတွက် ကျောင်း သားတွေဟာ သူတို့ကိုယ်တိုင်စဥ်းစားရန် ပျင်းလာစေနိုင်ပါတယ်။ လိုချင်တဲ့သတင်းအချက်အလက်များကို လက်တကမ်းအလိုမှာပင် စက္ကန့်ပိုင်းအတွင်းရနေတော့ ကိုယ်တိုင်ရှာဖွေသုတေသနပြုလုပ်ရတဲ့အလုပ်ကို ကျောင်းသားများက ပျင်းစရာကောင်းတဲ့အလုပ်လိုမြင်လာနိုင်ပါတယ်။ အိုင်လိုင်းမှာ လိုချင်တဲ့အချက်အလက်ကို နောက်ဆုံးအချိန်ရောက်မှ တစ်ချက် ခေါက်လိုက်ရင်ရနေတဲ့အတွက် ကျောင်းသားများဟာ သူတို့ကိုယ်တိုင် ဆန်းသစ် တီထွင်မှုဖြင့် မိမိလုပ်ဆောင်ချက်မှာအခြားသူများလုပ်ဆောင်ချက်နှင့်မတူအောင် လုပ်လိုစိတ်တွေ မရှိတော့ဘဲ အပျင်းထူလာနိုင်ပါတယ်။

ဒီဂျစ်တယ်နည်းပညာအတတ်ပညာပစ္စည်းတွေကိုသုံးခြင်းက စွဲလန်းနေတတ်စေပါတယ်။ အဲဒီသဘောကြောင့် အဲဒီပစ္စည်းတွေကို သုံးတဲ့အခါ ကျောင်းသားများက အခြားလူတွေနှင့် ပူးပေါင်းလုပ်ဆောင်မှုများမရှိတော့ဘဲ တစ်ယောက် တည်းသီးခြားလုပ်ဆောင်တဲ့အလေ့အကျင့်မျိုးဖြစ်လာစေနိုင်ပါတယ်။

၂။ ဒစ်ဂျစ်တယ် နည်းပညာအတတ်ပညာက သင်ယူရေးမှာအလွန်အနှောက်အယှက်ပေးနိုင်ခြင်း

ကျောင်းသားများဟာ သူတို့သင်ယူရေးမှာအကျိုးရှိအောင် ဒစ်ဂျစ်တယ်နည်းပညာအတတ်ပညာဆိုင်ရာပစ္စည်း ကို သုံးကြသော်လည်း အဲဒီလို သုံးတဲ့လုပ်ငန်းစဥ်မှာအနှောက်အယှက်ပေးမှုတွေမျာစွာလည်းဖြစ်လာ စေနိုင်ပါ တယ်။ အွန်လိုင်မှာဆိုရင် ကျောင်းသားများအတွက် မသင့်တဲ့အရာတွေ၊ မဆီလျော်မအပ်စပ်တဲ့အရာတွေက ကျောင်း သားများကိုအနှောက်အယှက်များစွာပေးပြီးသင်ယူမှုမှာအနှောက်အယှက် ဖြစ်လာစေနိုင်ပါတယ်။ အဲဒါ တွေက ကျောင်းသားများကိုစွဲဆောင်နိုင်ပါတယ်။ ကျောင်းသားများက ဒီဂျစ်တယ်နည်းပညာအတတ်ပညာ သုံးပစ္စည်း များကိုသုံးတာများလာတဲ့အခါ အဲဒီလို မသင့်တဲ့အရာတွေကို ဝင်ကြည့်ရင်း ရင်းနှီသွားစေနိုင်ပါတယ်။ အဲဒါမျိုး တွေနှင့်ရင်းနှီးသွားရင်သင်ယူရေးမှာသာအနှောက်အယှက်ဖြစ်စေသည်သာမက စာရိတ္တ ပိုင်းပါ ယိုယွင်း လာစေ နိုင်ပါတယ်။ ဒါကြောင့်မိဘဆရာများအနေဖြင့် ကျောင်း သားများ ဒစ်ဂျစ်တယ် နည်းပညာအတတ် ပညာ ဆိုင်ရာပစ္စည်းများသုံးမှုမှာ ချင့်ချင့်ချိန်စဥ်းစားပြီး ဘောင်သတ်မှတ်ထားပေးရန် လိုအပ်ပါတယ်။

အွန်လိုင်းမှာဗီဒီယိုဂိမ်းတွေကလည်းအမျိုးမျိုးရှိပြီးအလွယ်တကူလက်လှမ်မှီနိုင်တဲ့အတွက် ကျောင်းသားများ ပညာ သင်ယူ ရေးမှာ အနှောက်အယှက်အဟန့်အတားများဖြစ်နိုင်ပါတယ်။

၃။ ဒစ်ဂျစ်တယ်နည်းပညာအတတ်ပညာသုံးပစ္စည်းတွေအသုံးများရင်ကျန်းမာရေးထိခိုက်နိုင်ခြင်း

နည်းပညာအတတ်ပညာတွေကလိုချင်တဲ့အချက်အလက်များကို အလွယ်တကူလျင်မြန်စွာရရှိအောင်စီစဥ် ထား တဲ့အတွက် မိမိလိုချင်တာကို ထပြီးကိုယ်တိုင်လေ့လာရှာဖွေလိုတဲ့စိတ်ကကျောင်းသားတွေနဲ့ အလှန်းဝေးကွာ လာစေနိုင်ပါတယ်။ ကျောင်းသားများ ဒစ်ဂျစ်တယ် နည်းပညာအတတ်ပညာဆိုင်ရာပစ္စည်းများသုံးမှုမှာ များပြား လာတဲ့အခါမှာ ကျန်းမာရေးကိုထိခိုက်လာစေနိုင်ပါတယ်။ ရုပ်ပိုင်းစိတ်ပိုင်းကျန်းမာရေးကို ထိခိုက် လာစေ နိုင်ပါတယ်။

စမတ်လက်ကိုင်ဖုန်း၊ အိုင်ပက်၊ ကွန်ပျူတာ မှန်သားပြင်မှထွက်လာတဲ့အရောင်နှင့်ထိတွေ့နေမှုများတဲ့အခါ မျက်စိအမြင်ကိုထိခိုက်လာစေပါတယ်။အဲဒီအလင်းရောင်နှင့် ထိတွေ့နေမှုအချိန်ကြာလာတဲ့အခါ ခေါင်းကိုက် ခြင်းကိုမကြာခဏဖြစ်စေတတ်ပါတယ်။ အဲဒီပစ္စည်းတွေကို ကိုင်ပြီးသုံးနေတဲ့ လူရဲ့ ကိုယ်နေကိုယ်ထားကြောင့် ဇက်ကြောတက်ခြင်း၊ နောက်ကြောဘက်မှာ အကြောတက်ခြင်းစတဲ့ကျန်းမာရေးဆိုင်ရာပြဿနာများ ဖြစ်လာ တတ်ပါတယ်။

နောက်အများဆုံးဖြစ်စေတဲ့ကျန်းမာရေးဆိုင်ရာပြဿနာကတော့ ကိုယ်အလေးချိန်တက်လာခြင်းပင်ဖြစ်ပါတယ်။ တစ်နေရာတည်းမှာ အကြာကြီးထိုင်လျက် ကိုယ်လက်လှုပ်ရှားမှုမရှိဘဲ နေတဲ့အလေ့အကျင့်ကြောင့် အကြာ ကြီးထိုင်နေရင် တာရှည်ခံအာဟာရမရှိတဲ့အစာတွေစားတာဖြစ်လာပြီး ကိုယ်အလေးချိန်တက်တဲ့ပြဿနာဖြစ်လာ စေပါတယ်။ ထိုမှတစ်ဆင့်နှလုံးရောဂါနှင့် သွေးတိုးရောဂါများလည်း ဆက်တိုက်ဖြစ်လာစေနိုင်ပါတယ်။ တစ်ချို့မှာ အဲဒီပစ္စည်းတွေကိုသုံးတဲ့အခါ သူတို့ ထိုင်နေတဲ့ပုံစံမမှန်ကန်မှုကြောင့် ဇက်ကြော၊ နောက်ကြော အနေအထားမှာပြီး အကြောတက်တဲ့ရောဂါမျိုးလည်းဖြစ်လာနိုင်ပါတယ်။

၄။ ChatGPT ကကျောင်းသားများအပေါ် အပျက်သဘောဆောင်တဲ့အကျိုးသက်ရောက်စေမှုများ
လူမှုအဖွဲ့အစည်းများအနေဖြင့် နည်းပညာအသစ်များကို ဘယ်လို ပေါင်းစပ်သုံးမလဲဆိုတာအစဥ်သဖြင့် သင်ယူရန် လိုအပ်ပါတယ်။ AI ဥာဏ်ရည်တုဆိုတာကလည်းလျင်မြန်စွာတိုးတက်နေပါတယ်။ ပြီးတော့ နေ့စဥ်ဘဝထဲမှာ လျင်မြန်စွာပေါင်းစပ်နေပါတယ်။ကျောင်းသားတွေကလည်းအဲဒီဥာဏ်ရည်တုကိုသုံးနေကြပြီး ဆရာတွေကလည်း သူ့ကိုပိုတိုးတက်အောင် ပြုလုပ်နေကြပါတယ်။

အောက်ဘက်မှာ ဥာဏ်ရည်တုက ကျောင်းသားများအပေါ် သက်ရောက်စေတဲ့အပျက်သဘောဆောင်တဲ့အကျိုးများကိုဖော်ပြလိုက်ပါတယ်။

ChatGPT ပေါ်မှာအခြေခံထားတဲ့တုံ့ပြန်မှုများမှာ အချက်အလက်များကိုအခြေခခံထားခြင်းမဟုတ်ကြပါ။ ChatGPT က ကြားလိုက်ရရင်အလွန်ဆွဲဆောင်စရာကောင်းပါတယ်။ ဒါပေမဲ့ ပေးတဲ့တုံ့ပြန်မှုများမှာ မဆီ လျော်တဲ့အပြင် မမှန်တဲ့တုံ့ပြန်မှုသာဖြစ်နေကြပါတယ်။ ဘာကြောင့် လဲဆိုတော့ ChatGPT ကိုယ်တိုင်က အ‌ခြေ အနေ သို့မဟုတ်လုပ်ငန်းသဘောကို နားမလည်နိုင်တဲ့အတွက်ဖြစ်ပါတယ်။

ပညာရေးအရည်အသွေးအပေါ်အကျိုးသက်ရောက်မှု - ChatGPT ကိုဆီလျော်သင့်မြတ်စွာလေ့ကျင့်ခြင်း သို့မဟုတ် အကဲဖြတ်သုံးသပ်ခြင်းမပြုလုပ်ဘဲ သူ့ကိုအသုံးပြုပါက ပညာရေးအရည်အသွေးအပေါ်အကျိုး သက်ရောက်မှုမှာယုတ်လျော့ကျဆင်းလာစေနိုင်ပါတယ်။

အလုပ်အကိုင်ဆုံးရှုံးစေနိုင်ခြင်း - ပညာရေးမှာ ChatGPT ကိုသုံးပြီးအကောင် အထည်ဖော်ခြင်းမှာ (အထူးသဖြင့် တတ်မြောက်မှုအနေအထားနှင့်ရမှတ်အဆင့်တို့ကိုသတ်မှတ်ရာမှာ အသုံးပြုလိုက်ပါက) လူသားပညာရှင်တွေ အလုပ်လက်လွတ်ဆုံးရှုံးခံရတာမျိုးတွေဖြစ်လာစေနိုင်ပါတယ်။

ကိုယ်ကျင့်သိက္ခာအပိုင်းများ- ပညာရေးတွင် ChatGPT ကိုသုံးပါက ဘက်လိုက်မှုများနှင့် လူမှုရေး တွင် မညီမျှမှုများရှိလာနိုင်တယ်ဆိုတဲ့စိုးရိမ်ပူပန်မှုများရှိနေကြပါတယ်။ အထူးသဖြင့် ChatGPT အသုံးပြုသူ တွေကို အချက်အလက်အမျိုးမျိုးသုံးဖို့နဲ့ပတ်သက်လာရင် လုံလောက်စွာလေ့ကျင့် ထားမှုမရှိရင် ဘက်လိုက်မှုနှင့် မညီမျှ မှုများရှိလာနိုင်တယ်လို့ လူတွေက ပူပင်သောကရောက်မှုများရှိနေကြပါတယ်။

လူသားအချင်းချင်းအပြန်အလှန် ဆက်သွယ်မှုမဲ့ခြင်း - ChatGPT ကလူသားအချင်းချင်းအပြန် အလှန်ဆက် သွယ်မှုနေရာကို အစားထိုးယူလာနိုင်ပါတယ်။ ထို့ကြောင့် ကျောင်းသားတွေမှာ အခြားလူတွေနေရာမှ ဝင်ပြီး ခံစားနားလည်ပေးနိုင်မှု နှင့် အခြားလူတွေရှုထောင့်မှနေပြီးနားလည်ပေးနိုင်မှုများမရှိတော့တာမျိုး တွေဖြစ် လာ နိုင်ပါတယ်။

ဆန်းသစ်တီထွင်နိုင်မှုမှာအကန့်အသတ်ရှိနေခြင်း- ChatGPT ကသူ့ကိုလေ့ကျင့်ပေးထားတဲ့သတင်းအချက်အ လက်များကိုအခြေခံပြီးသာတုံ့ပြန်မှုများပြုလုပ်ပေးနိုင်ပါတယ်။ အဲဒီအချက်က ကျောင်းသားများမှာ ဆန်းသစ်တီ ထွင်တဲ့စဥ်းစားမှုများကို ပြုလုပ်ရာမှာ အကန့်အသတ်ရှိစေနိုင်ပါတယ်။

ဘာသာစကားကို နားလည်နိုင်မှုအကန့်အသတ်ရှိခြင်း - ChatGPTက ဘာ သာစကားတွင် ဓလေ့သုံးစကားလုံးများ၊ အရပ်သုံးနှုတ်ပြောစကားများကို နားလည်ရန်အခက်အခဲရှိနိုင်ပါတယ်။ ဒါကြောင့် အဲဒီစကားကို မိခင် ဘာသာ စကားအဖြစ်ပြောတဲ့သူမဟုတ်ပါက ရောရောထွေးထွေးတွေဖြစ်ကုန်စေနိုင်ပါတယ်။

နည်းပညာအတတ်ပညာကိုသင်ယူမှုအတွက်သုံးရန်ကောင်းသလားမကောင်းဘူးလား။

ဒီဂျစ်တယ်နည်းပညာအတတ်ပညာအခြေခံတံပစ္စည်းများသုံးတာက သင်ယူရေးအတွက် ကောင်းတာတွေရှိသလို မကောင်းတာတွေလည်းရှိနေပါတယ်။ နည်းပညာအတတ်ပညာတွေကိုသုံးရင် သင်ယူသူကျောင်းသားများ သင်ယူ မှုလုပ်ငန်းတွင် တက်ကြွစွာပါဝင် သင်ယူစေပြီး ပူးပေါင်းသင်ယူးမှုများကိုမြှင့်တင်ပေးပါတယ်။အပြန်အလှန် ထိတွေ့လုပ်ဆောင်မှုများကို အားပေးတဲ့အတွက် သင်ယူနည်းအမျိုးမျိုးကို လက်တွေ့အသုံပြုနိုင်စေပါတယ်။ ဥပမာအားဖြင့် တဲဗလက်ကဲ့သို့သော သုံးနိုင်တဲ့ပစ္စည်းနဲ့ educational software တို့ဟာအစဥ်အလာအရ သင်ယူ နေတဲ့ဘာသာရပ်များကို သင်ယူ သူအချင်းချင်း ပိုပြီး ထိတွေ့ဆက်သွယ်လုပ်ဆောင်မှုများဖြစ်လာအောင် ပြောင်း ပေးနိုင်ပါတယ်။ သင်ယူ မှုလုပ်ငန်းတွင်ကျောင်းသားများပိုတက်ကြွစွာပါဝင်လာစေပြီး နားလည်မှုလည်းပိုရရှိ အောင် လုပ်ဆောင် ပေးနိုင်ပါတယ်။ ထို့အပြင် နည်းပညာအတတ်ပညာ သုံးခြင်းက ကျောင်းသားများမှာ လိုအပ်တဲ့ကျွမ်းကျင်မှုများ ဥပမာ တင်ပြတဲ့ကျွမ်းကျင်မှု၊ အွန်လိုင်မှတစ်ဆင့် ပူးပေါင်း လုပ်ဆောင်ခြင်း များကိုပြင်ဆင်ပေးခြင်းဖြင့် ကျောင်းသားတို့ကိုသူတို့ရဲ့ ဒစ်ဂျစ်တယ် သုံးရမဲ့ သူတို့ရဲ့အနာဂါတ်အတွက်ပြင်ဆင် ပေးနေရာလည်း ရောက်ပါတယ်။
ဒါပေမဲ့တစ်ဘက်မှာလည်း နည်းပညာအတတ်ပညာတွေက စိန်ခေါ်မှုများကိုလည်းဖြစ်ပေါ်လာစေနိုင်ပါတယ်။ စနစ်တကျစီမံခြင်းမပြုလုပ်ပါက အနှောက်အယှက်ပေးတာမျိုးတွေဖြစ်လာစေနိုင်ပါတယ်။ အထူးသဖြင့် သင် ကြားရေးမှာ အာရုံစူးစိုက်မှုမရှိတာမျိုးတွေဖြစ်လာစေနိုင်ပါတယ်။ ဒါ့အပြင် နည်းပညာအတတ်ပညာပိုင်း ဆိုင်ရာပစ္စည်းတွေအပေါ်မှာ လိုတာထက် ပိုမှီခိုအားထားနေရင် ကျောင်းသားမှာမှာ အချင်းချင်းမျက်နှာ ချင်း ဆိုင်တွေ့ဆုံဆွေး‌နွေးခြင်း၊ ဝေဖန်ပိုင်းခြားစဥ်းစားခြင်း စတဲ့အစဥ်အလာအရသင်ယူတဲ့ပတ်ဝန်းကျင်မှာ အရေး ပါတဲ့ ကျွမ်းကျင်မှုများလျော့နည်းကျဆင်း လာစေနိုင်ပါတယ်။

နောက်တစ်ခုမှာ ကျောင်းသားအားလုံးတွင် ဒီဂျစ်တယ်နည်းပညာ အတတ် ပညာပိုင်းဆိုင်ရာပစ္စည်းများကို လက်လှမ်းမှီနိုင်မှုအနေအထားမတူညီကြပါ။ အဲဒီအချက်က သင်ယူမှုမှာ သုံးတဲ့ပစ္စည်းတွေကို လက်လှမ်းမှီမှုကွာခြားတဲ့အတွက် သင်ယူမှုရလဒ်ပိုင်းတွင် ကွာခြားမှုများရှိလာ စေနိုင်ပါတယ်။

နည်းပညာအတတ်ပညာပညာဆိုင်ရာပစ္စည်းများကိုကောင်းစွာသုံးပြီး ဥာဏ်နှင့်ယှဥ်ပြီးအသုံးပြုခြင်းက သင်ယူမှု တွင်အရေးကြီးတဲ့တိုးတက်ပြောင်းလဲမှုများရှိလာစေနိုင်ပါတယ်။ ဒါပေမဲ့အဲဒီလိုဖြစ်လာအောင် စနစ်တကျစီမံ ခန့်ခွဲမှုများကို ဂရုတစိုက်စီစဥ်ရန် လိုအပ်ပြီး ဖြစ်လာနိုင်တဲ့အပျက်သ‌ဘောဆောင်မှုများကို လည်း သတိထား ရှောင်ရှားရန် လိုအပ်ပါတယ်။

နဂုံး

နည်းပညာအတတ်ပညာပိုင်းဆိုင်ရာပစ္စည်းများကို အသုံးပြုလာခြင်းကြောင့် သင်ကြားရေးနှင့် သင်ယူ ရေးလုပ်ငန်းတို့တွင် ပိုလွယ်ကူလာပြီးတိုးတက်ပြောင်းလဲမှုများဖြစ်လာစေခဲ့ပါတယ်။ ဆရာနှင့်ကျောင်းသားများ အတွက် အထောက်အကူပေးနိုင်တဲ့ ဝက်ဆိုက်များနှင့် အသုံးပြုနိုင်တဲ့အစီအစဥ်များမှာ အွန်လိုင်းပေါ်တွင် ထောင်နဲ့ချီပြီးရှိနေပါတယ်။ Peachy Essay ကဲ့သို့သောဝက်ဆိုက်မျိုးတွင် ကျောင်းသားများအနေနှင့် လိုအပ်တဲ့ အကူအညီများရရှိနိုင်သလို သင်ကြားပေးနေတဲ့ဆရာများအတွက်လည်း ကျောင်းသားများကိုကူညီနိုင်ရန် ပါဝင် ဆောင်ရွက်နိုင်ပါတယ်။

မိတ်ဆွေများဒီဂျစ်တယ်နည်းပညာအခြေခံတဲ့ပစ္စည်းများကို သားသမီးများသုံးရာမှာ အပြုသဘောဆောင်တဲ့ အကျိုးကျေးဇူးများများရှီပြီးအပျက်သဘောဆောင်တဲ့အကျိုးယုတ်မှုများအတတ်နိုင်ဆုံးကင်းအောင် သတိ၊ အသိ၊ ဥာဏ်ရှိရှိဖြင့် ကူညီစီမံလေ့ကျင့်ပေးနိုင်ကြပါစေ။
မေတ္တာဖြင့်
ဒေါက်တာသိန်းလွင် ပါမောက္ခ (ငြိမ်း) ပညာရေးစိတ်ပညာဌာန၊ ရန်ကုန်ပညာရေးတက္ကသိုလ်