နေခြင်းနှစ်မျိုး Food for Thought 868 ဒေါက်တာသိန်းလွင်

ဒီနေ့ “နေခြင်းနှစ်မျိုး” အနက် သတိဖြင့်နေထိုင်ခြင်းအရေးကြီးကြောင်းကို Food for Thought 868 အဖြစ်မျှဝေလိုက်ပါတယ်။

နေခြင်းနှစ်မျိုး

မေ့မေ့လျော့လျော့နေခြင်းနှင့်မမေ့မလျော့နေခြင်း

• လူအများတို့ဟာ မြင်ကြားထိတွေ့အာရုံများနောက်သို့သာ လိုက်နေကြပါတယ်။ ဘာကြောင့် လိုက် နေတာလဲ ဆိုရင် မမှန်တဲ့အစွဲအလမ်းကြောင့် ဖြစ်ပါတယ်။ အဝိဇ္ဇာကြောင့် အစွဲအလမ်းတွေဖြစ်ပြီး အဲဒီအစွဲတွေ နောက်လိုက်နေကြပါတယ်။ ဥပမာအားဖြင့် မြွေကဖားကို ကိုက်ထားတဲ့အခါ မလွှတ် အောင်ကိုက်ထား သလို ဥပါဒါန်အစွဲတွေကိုဖက်တွယ်ထားတတ်ကြပါတယ်။

• မေ့မေ့လျော့လျော့နေခြင်းမှာသံသရာလည်ခြင်းရဲ့အကြောင်းတရားဖြစ်ပါတယ်။ မမေ့မလျော့သတိဖြင့် နေထိုင်ခြင်းမှာ သံသရာမှလွန်မြောက်စေတဲ့အကြောင်းတရားဖြစ်ပါတယ်။

• ဘဝသံသရာဆိုတာ မစင်နဲ့တူပါတယ်။ ပမာဏ ဘယ်လောက်ပင်သေးသေးမစင်က စက်စုတ်ရွံရှာဖွယ် အနံ့ဆိုးသလို ဘဝဆိုတာလည်း ဆင်းရဲခြင်းအကြောင်းသာဖြစ်ပါတယ်။ နောက်ဥပမာတစ်ခုမှာ သစ် သားတုံးကြီးကိုအတွင်းဘက်လှိုက်ပြီးချပုန်းစားထားတဲ့အခါ အပေါ်ဘက်အကာလေးမှာ မာသလိုထင် နေရပေမဲ့ကိုင်ကြည့်လိုက်တဲ့အခါ ပေါက်ကျိုးသွားပြီးအတွင်းမှာချစားထားတာကို တွေ့ရမှာဖြစ်ပါ တယ်။ဘဝဆိုတာ အဲဒီလိုအတွင်းလှိုက်ချစားထာတဲ့အနှစ်မဲ့သစ်သားတုံးနဲ့လည်းတူပါတယ်။

• မေ့မေ့လျော့လျော့နေခြင်းနဲ့မမေ့မလျော့နေခြင်းတို့ဟာ ဘာနဲ့တူသလဲဆိုရင် ပုလင်းတစ်ခုထဲမှာ လေက ရှိ နေပါတယ်။ ပုလင်းထဲသို့ ရေထည့် လိုက်ရင် ပုလင်းထဲမှ လေတွေထွက်သွားပါတယ်။ အလားတူပင် မမေ့မလျော့နေခြင်းကို ပြုလုပ်လိုက်ရင်မေ့လျော့ခြင်းဆိုတာ ကင်းသွားပါတယ်။ သတိလက်လွတ်တာနဲ့ မေ့လျော့မှုကဝင်လာပါတယ်။ သတိရှိလိုက်တာနဲ့သတိလက်လွတ်နေခြင်းကင်းသွားပါတယ်။

• မေ့မေ့လျော့လျော့နေထိုင်ခြင်းမှာ အဖန်ဖန်သေရခြင်းအကြောင်းတရားဖြစ်ပါတယ်။ မေ့မေ့လျော့လျော့ နေပြီးအာရုံတွေကိုစွဲမက်နေမှုကြောင့် သေခါနီးမှာ အဲဒီအာရုံတွေပြန်ပေါ်လာပြီးသေတဲ့အခါ ဘဝတဖန် ပြန် လည်စေပါတယ်။ သတိဖြင့်နေထိုင် ခြင်းမှာ ဘဝတဖန်ပြန်ဖြစ်ရန်အကြောင်းကင်းပြီး မဂ်ဖိုလ်နိဗ္ဗာန် ရကြောင်းအကြောင်းတရားဖြစ်ပါတယ်။

• မေ့မေ့လျော့လျော့နေထိုင်ခြင်းမှာ အသေဆိုးဖြင့်သေစေတဲ့အကြောင်းဖြစ်ပါတယ်။ ဒုက္ခရောက်နေတာ ကိုပင် နှစ်သက်စရာလို့မြင်ပြီးတွယ်တာမက်မောနေခြင်းဖြစ်ပါတယ်။သတိလက်လွတ်ငှက်တောင်ကျွတ် ဆိုသလို ရေကလည်းခန်းခြောက်ပြီးကန်မှာငါးကမရှိ၊ ချိုးကြာငှက်ကြီးမှာလည်းအတောင်တွေ ကျွတ်နေ ပြီဖြစ်လို့ ငါးရှိတဲ့အခြားရေကန်ကို ပျံသွားနိုင်ခြင်းမရှိတော့လို့သေပွဲဝင်ရတာမျိုးဖြစ်တတ်ပါတယ်။သတိ ဖြင့်နေထိုင်ခြင်းမှာ ဘဝဆိုး ကင်းပြီးအသေဆိုးမှလွတ် မြောက် စေပါတယ်။

• သတိတရားလက်ကိုင်ထားခြင်းဟာ အလွန်အကျိုးများစေတဲ့တရားဖြစ်ပါတယ်။ အသိဥာဏ်ကိုကြီးမြင့် စေ ပါတယ်။ ဘုံပြဿဒ်ပေါ်ရောက်သွားသလို အသိဥာဏ်မြင့်မားစေပါတယ်။ “အပ်ဖျားရေစက် အနက် ပင်လယ်”ဆိုတဲ့စကားလို သတိတရားလက်ကိုင်ထားရင် ရတဲ့အကျိုးကျေးဇူးမှာ မျက်မှောက်တမလွန် အတွက်အလွန်အကျိုးများတဲ့အတွက် အကျိုးကျေးဇူးမှာ မှာပင်လယ်ကြီးထုလိုကြီးမားပါတယ်။

• ဒါကြောင့် နေ့စဥ်နေထိုင်တဲ့အခါမှာသတိတရာကို လက်ကိုင်ထားနေထိုင်ကြရန် မြတ်ဗုဒ္ဓက အကြိမ် ပေါင်း များ စွာနှင့် နောက်ဆုံးသတိပေး‌လမ်းပြခဲ့တာဖြစ်ပါတယ်။

မိတ်ဆွေများသတိတရားလက်ကိုင်ထားနေထိုင်နိုင်ကြပါစေ။
မေတ္တာဖြင့်

ဒေါက်တာသိန်းလွင်
ပါမောက္ခ (ငြိမ်း)၊ ပညာရေးစိတ်ပညာဌာန၊ ရန်ကုန်ပညာရေးတက္ကသိုလ်။