ဗဒုတ်ရေလှောင်ကန်ကြီးပတ်လည်မှာ လမ်းလျောက် လိုက်ရလို့ခံစားရတာကို မိတ်ဆွေများအတွက် Food for Thought 890 ဒေါက်တာသိန်းလွင်

ဒီနေ့ ဗဒုတ်ရေလှောင်ကန်ကြီးပတ်လည်မှာ လမ်းလျောက် လိုက်ရလို့ခံစားရတာကို မိတ်ဆွေများအတွက် Food for Thought 890 အဖြစ်မျှဝေလိုက်ပါတယ်။ ဟင်းကောင်းစားရတဲ့အခါ ချစ်ခင်သူတွေကိုသတိရတဲ့သဘောဖြစ်ပါတယ်။
ဒေါက်တာသိန်းလွင်
ပါမောက္ခ (ငြိမ်း) ပညာရေးစိတ်ပညာဌာန၊ ရန်ကုန်ပညာရေးတက္ကသိုလ်။


• ဗဒုတ်ရေလှောင်ကန်ကြီးဟာ၊
• ရေစက်ငယ်လေးပေါင်းသန်းပေါင်းများစွာ
• စုစည်းလို့သာဖြစ်ပေါ်လာ။
• ရေစက်လေးတစ်ပေါက်တိုင်းဟာ လူတစ်ယောက်လိုပါ။
• ကျယ်ဝန်းလှတဲ့လူမှုအသိုင်းအဝိုင်းပမာ။
• လိုအပ်သလိုသန့်စင်ပြီးတဲ့အခါ
• ဒိုအိမ်အထိရောက်လို့လာမှာ ဒီရေတွေပါ။
• ဒီရေတွေကို ကောင်းစွာသုံးနိုင်ဖို့ရာ၊
• လူတိုင်းမှာတာဝန်ရှိတာ။
• ရေကန်ကြီးသန့်ရှင်းအောင်ကွယ်
• လူတိုင်း ကြိုးစားတာဝန်ယူကြမယ်။
• ရေကန်ဘေးတစ်လျောက် စိုက်ထားတာ၊
• သစ်ပင်ကြီးပေါင်းမြောက်များစွာ၊
• တစ်ချို့ကငယ်ငယ် တချို့ကကြီးကြီး၊
• တချို့နေရာမှာသစ်ပင်တန်းက သုံးထပ်ပါ၊
• တစ်ပင်နှင့်တပင်ဟာ ခြေလှမ်း (၂၀)ခန့်ကွာ။
• ကန်ရေပြင်နဲ့သစ်ပင်တွေကြားမှာ မြက်ခင်းစိမ်းများစိုက်ထားတာ။
• စိမ်းလန်းနေတောကြည့်ရတာ၊ မျက်စိအေးလှတာ။
• တချို့က ဖြေးဖြေးမှန်မှန် လမ်းလျောက်တာ။
• တစ်ချို့ကတော့ သွက်သွက်ကလေးလျောက်ကြတာ။
• တချို့ကတော့ မှန်မှန်လေး ပြေးနေကြတာ။
• လမ်းဘေးမြက်ခင်းစပ်မှာ အပန်းဖြေနားထိုင်ဖို့ရာ၊
• ထိုင်ခုံလေးများစီစဥ်ပေးတာ၊ သစ်ပင်ကြီးတချို့အောက်ဘက်မှာ။
• အများအတွက်စဥ်းစားပေးတဲ့ စိတ်ထားရင်းခံကောင်းလိုက်တာ။
• သစ်ရိပ်လေးတစ်လျောက် လမ်းလျောက်ရတာ၊
• စိတ်အေးကြည်သာချမ်းမြေ့တာ။
• လျောက်လမ်းတလျောက်ခင်းထားတာ၊
• ကျောက်ဖြူငယ်ငယ်လေးတွေနဲ့သဲဖြူလေးတွေရောလို့ပါ။
• လေတိုက်တဲ့အခါ ဖုန်မထပါ။
• လေနုအေးကို တဝကြီးခံစားနိုင်ကြတာ။
• ငှက်ကလေးများ အော်တဲ့အသံသာ တစ်ခါတစ်ခါ ကြားရတာ။
• လမ်းမတန်းမှာကားကြီးကားငယ်ပြေးနေတာ။
• ဘာဟွန်းသံမှမကြားရပါ။
• ဝန်းကျင်တခွင်လုံးတိတ်ဆိပ်ငြိမ်သက်တာ။
• ကြည်လင်တဲ့ရေမှာကွယ်သစ်ပင်ရိပ်များ ထင်နေတယ်။
• တိမ်တိုက်များကလည်း ကန်ရေပြင်မှာ သူတို့အလှကို ကြည့်ရင်းပြုံးနေကြတယ်။
• လှိုင်းရိပ်လေးများနဲ့အတူသာကွယ်၊သစ်ရိပ်များ သက်ဝင်လှုပ်ရှားယိမ်းကနေကြတာ။
• ငြိမ့်ငြိမ့်သာသာညင်သာမှုကအပြည့်ပါ။
• လမ်းလျောက်သူများကို လက်များဝှေ့ကာ ကြည်ကြည်သာသာ နှုတ်ဆက်နေသလိုပါ။
• နောက်တစ်ခါလာလှည့်ပါ။ လမ်းလျောက်ပါ။ ဝန်းကျင်အလှကိုခံစား လှည့်ပါ။
• မိတ်ဆွေများကိုဖိတ်ခေါ်တဲ့ပမာ၊
• ကြည်နူးချစ်စရာ။
• တခါကြုံဘူးရင် တစ်သက်မမေ့စရာ။
• ဗဒုတ်ရေကန်ဘေးလမ်းလျောက်ရတာ။

မိတ်ဆွေများ ကြည်နူးတဲ့ခံစားမှုများ ခံစားနိုင်ကြပါစေ။
မေတ္တာဖြင့်
ဒေါက်တာသိန်းလွင်
ပါမောက္ခ (ငြိမ်း) ပညာရေးစိတ်ပညာဌာန၊ ရန်ကုန်ပညာရေးတက္ကသိုလ်။