နှလုံးသားမှ ကြင်ကြင်နာနာ ထောက်ထားစာနာမှုပြနည်း (၇)မျိုး Food for Thought 906 ဒေါက်တာသိန်းလွင်

ဒီနေ့” နှလုံးသားမှ ကြင်ကြင်နာနာ ထောက်ထားစာနာမှုပြနည်း (၇)မျိုး”အကြောင်းကို Food for Thought 906 အဖြစ်မျှဝေလိုက်ပါတယ်။
ဒေါက်တာသိန်းလွင်
ပါမောက္ခ (ငြိမ်း)၊ ပညာရေးစိတ်ပညာဌာန၊ ရန်ကုန်ပညာရေးတက္ကသိုလ်။


နှလုံးသားမှ ကြင်ကြင်နာနာ ထောက်ထားစာနာမှုပြနည်း (၇)မျိုး

ဗုဒ္ဓအဆုံးအမမှာကြင်နာစွာထောက်ထားစာနာမှုရဲ့စွမ်းအားကြီးမားပုံကို အလေးထားပါ တယ်။ ကြင်နာစွာထောက်ထားစာနာမှုဆိုတာ အခြားလူများအပေါ်ချမ်းသာစေလိုတဲ့ စိတ် ခံစားမှုတစ်မျိုးဖြစ်ကြောင်း တိဘက်ဘုန်းတော်ကြီး Dalai Lama ကညွှန်ပြခဲ့ပါ တယ်။ ကြင်နာသနားခြင်းဆိုတာ သနားခြင်းသက်သက်မဟုတ်ပါ။ အခြားလူအပေါ် နှိမ်ချတဲ့ အ မြင်နဲ့ကြည့်မြင်မှုကင်းပါတယ်။ အခြားလူများအပေါ် ချမ်းသာစေလိုတဲ့ ကောင်း မြတ်တဲ့ စိတ်ထားဖြစ်ပါတယ်။ အခြားလူတွေကမိမိလောက်အဆင်မပြေတဲ့အတွက် သ နားတာ မျိုးမဟုတ်ပါ။ သက်ရှိတို့အပါ်မှာ မိတ်ဆွေဖြစ်စေ၊ သို့မဟုတ် ရန်သူပင်ဖြစ်စေ ခွဲခြားမှု မရှိဘဲကောင်းစေလိုတဲ့တူညီတဲ့ကောင်းမြတ်တဲ့စိတ်နေစိတ်ထားထားခြင်းဖြစ်ပါတယ်။

မိတ်ဆွေဖြစ်စေ၊ရန်သူဖြစ်စေ တန်းတူ တူညီတဲ့စိတ်ကောင်းထားပြီးမေတ္တာ ထား နိုင်ရန် မှာ သာမာန်လူတွေအတွက် အစပိုင်းမှာမလွယ်ကူနိုင်ပါ။ ဒါပေမဲ့ကြင်နာတဲ့နှလုံးသား ဖြင့် မေတ္တာပွားမှုကို အခက်အခဲမရှိလူတိုင်းပြုလုပ်နိုင်တဲ့နည်းလမ်းရှိပါတယ်။ အဲဒီ မေတ္တာ ပွား တဲ့နည်းကတော့ ပစ္စည်းတွေပေးကမ်းခြင်းမဟုတ်ပါဘူး။ နှလုံးသားမှ ကောင်း မြတ် တဲ့စိတ်၊အခြားလူတွေစိတ်အေးချမ်းသာစေလိုတဲ့စိတ်ထားတားခြင်းပင်ဖြစ်ပါတယ်။ အဲဒီ လို ထောက်ထားစာနာတဲ့မေတ္တာထားမှု တို့မှာအောက်ပါအတိုင်း (၇)မျိုးရှိပါတယ်။

1. ထောက်ထားစာနာတဲ့စိတ်ဖြင့်အခြားလူများကိုကြည့်မြင်ခြင်း၊

2. ဖော်ရွေချိုသာစွာပြုံးပြခြင်း၊

3. ရက်ရောတဲ့နှလုံးသားဖြင့်အခြားလူများအတွက်စဥ်းစားခြင်း၊

4. ကြင်နာတဲ့စကားများပြောခြင်း၊

5. ကြင်နာတဲ့အပြုအမူဖြင့်အခြားလူများကိုကူညီခြင်း၊

6. အခြားလူအတွက်ထိုင်စရာနေရာပေးခြင်းနှင့်၊

7. အခြားလူအပန်းဖြေနိုင်ရန်နေရာပေးခြင်းတို့ပင်ဖြစ်ပါတယ်။

ဖော်ပြပါ ရိုးရှင်းပြီးမိမိကိုယ်မိမိနှိမ်ချတဲ့လမ်းညွှန်သင်ပြမှုကို တစ်လောကလုံးမှာ ကျင့် သုံးမယ်ဆိုရင် ကမ္ဘာလောကက အခုထက် ပိုကောင်းတဲ့နေရာတစ်ခုဖြစ်လာ မှာဖြစ်ပါ တယ်။

မိတ်ဆွေများကောင်းမြတ်တဲ့စိတ်ထားတွေမွေးကြရအောင်။ လောကကိုပိုကောင်းတဲ့ နေရာဖြစ်အောင် လူတိုင်းဝိုင်းလုပ်ဆောင်ကြရအောင်ပါ။
မေတ္တာဖြင့်
ဒေါက်တာသိန်းလွင်
ပါမောက္ခ (ငြိမ်း)၊ ပညာရေးစိတ်ပညာဌာန၊ ရန်ကုန်ပညာရေးတက္ကသိုလ်။