Smile ဆိုတဲ့အကြောင်း Food for Thought 686 ဒေါက်တာသိန်းလွင်

ဒီနေ့မှာတော့ Smile ဆိုတဲ့အကြောင်းကို ကလေးငယ်များလေ့ကျင့်ပျိုးထောင်ရာမှာ ဘယ်လိုသုံးသင့်ကြောင်းကို Food for Thought 686 အဖြစ်မျှဝေလိုက်ပါတယ်။

ဒေါက်တာသိန်းလွင်
ပါမောက္ခ၊ (ငြိမ်း) ပညာရေးစိတ်ပညာဌာနာ၊ ရန်ကုန်ပညာရးတက္ကသိုလ်။

 

S + M + I + L + E

Smile နှင့်ပတ်သက်ပြီးစိတ်ဝင်စားစရာစဥ်းစားချက်များရှိပါတယ်။ တစ်ချို့ကလည်း S နှစ်လုံးကြားမှာမိုင်ချီပြီး ကွာဝေးတဲ့ စာလုံးတစ်လုံးရှိပါတယ်။ အဲဒီစာလုံးက ရှည်လွန်းလို မိုင်ချီကွာဝေးတာလို့ပြောကြပါတယ်.။ အဲဒီစာ လုံးက ဘာလဲလို့လည်းမေးတတ်ကြပါတယ်။ အဲဒီစာလုံးမှာ SMILES ဖြစ်ပါတယ်။ ရှေ့ဆုံး နဲ့နောက်ဆုံးမှာ S ရှိနေပြီးအလယ်မှာတော့ MILE ရှိနေတဲ့အတွက် မိုင်ချီကွာဝေးတယ်လို့ ပြောတာဖြစ်ပါတယ်။

SMILES ကကလေးတွေကို ဘက်စုံဖွံ့ဖြိုးတိုးတက်အောင် လေ့ကျင့်ပေးတဲ့အခါ ဖွံ့ဖြိုးတိုးတက်အောင် လေ့ ကျင့်ပေးရမဲ့နယ်ပယ်များအဖြစ်လည်း ကိုယ်စားပြုသုံးကြပြန်ပါတယ်။ SMILES ကအောက်ပါအတိုင်းကလေး တို့ရဲ့ ဖွံ့ဖြိုးတိုးတက်ရေးအပိုင်းများကိုကိုယ်စားပြုပါတယ်။

S – Senses (အကြား၊အမြင်၊အထိအတွေ့၊ အနံ့၊ အရသာခံမှုစတဲ့အာရုံခံများဖွံ့ဖြိုးတိုးတက်ရေး)
M -motor (ကိုယ်လက်ဆိုင်ရာလှုပ်ရှားနိုင်စွမ်းရည်ဖွံ့ဖြိုးတိုးတက်ရေး)
I – intelligence (အသိဥာဏ်ရည်ဆိုင်ရာဖွံ့ဖြိုးတိုးတက်ရေး
L -language (ဘာသာစကားဆိုင်ရာစွမ်းရည်ဖွံ့ဖြိုးတိုးတက်ရေး)
E -emotion (စိတ်လှုပ်ရှားခံစားမှုဆိုင်ရာ စွမ်းရည်ဖွံ့ဖြိုးတိုးတက်ရေး)
S -social (ပေါင်းသင်းဆက်ဆံရေးဆိုင်ရာစွမ်းရည်ဖွံ့ဖြိုးတိုးတက်ရေး)တို့ဖြစ်ပါတယ်။

SMILES ကိုနောက်တစ်မျိုး ကလေးသူငယ်များလေ့ကျင့်ပျိုးထောင်ရာမှာလမ်းညွှန်အဖြစ်သုံးနိုင်တဲ့ လမ်းညွှန်ချက် များအဖြစ် အောက်ပါအတိုင်းအသုံးပြုရန် ရည်ညွှန်းချက်များလည်းရှိပါတယ်။
S Say nice thing in a positive way.
ကောင်းတာလေးတွေကို အပြုစိတ်နဲ့ပြောပါ။
M Make children feel good or special.
ကလေးတွေစိတ်ခံစားမှုကောင်းအောင်ကူညီပါ။
I Initiate appreciation.
စတင်အသိအမှတ်ပြုပါ။
L Love with tender care.
ကြင်ကြင်နာနာချစ်ချစ်ခင်ခင်ပြောပါ။
E Emotionally uplift children always.

ကလေးတွေစိတ်ဓာတ်တက်ကြွနေအောင်အမြဲမြှင့်တင်ပါ။

ကလေးတွေကိုလေ့ကျင့်ပေးရာ

 သင့်ကလေးကို ချစ်ခင်ပါအမြဲအစဉ်သာ။
 ချစ်ခင်ကြောင်းကို နေ့စဉ်ပြ၊ လွန်စွာအရေးကြီးလှ။
 သင့်ကလေးနှင့် အတူသာ၊ ပျော်ပျော်ကစားလို့အချိန်ပေးပါ။
 ကလေးစွမ်းရည်အပေါ်မယ်၊ ယုံကြည်မှုလည်းပြပါကွယ်။
 နိုင်တဲ့တာဝန်သူ့ကိုပေး၊ ရွေးချယ်ခွင့်လည်းပေး။
 ကလေးကိုယ်တိုင်လုပ်တတ်ရေး၊ စိတ်ရှည်ရှည်ဖြင့် သင်လို့ပေး။
 ကြိုးစားလုပ်ရင်းအမှားလုပ်မိတာ သဘာဝပါ၊ စိတ်မပျက်နဲ့ကွာ။
 အမှားဆိုတာ တိုးတက်ဖို့ အခွင့်အလမ်းဖြစ်တယ်ဗျို့။
 သင့်ကလေးကို ကောင်းဖို့ကွယ် ချိုးနှိမ်တာများရှောင်ကြမယ်၊
 သင့်ကလေးကို ကောင်းဖို့ကွယ် အပြစ်တင်တာများရှောင်ကြမယ်၊
 သင့်ကလေးကို ကောင်းဖို့ကွယ် ဖိအားပေးတာရှောင်ကြမယ်၊
 သင့်ကလေးကို ကောင်းဖို့ကွယ် ခြိမ်းခြောက်တာများရှောင်ကြမယ်၊
 ကိုယ်စိတ်ဒါဏ်ရာပေးမှုများ၊ အစဉ်ရှောင်လို့ရှား။
 ကိုယ်စိတ်ဒါဏ်ရာပေးတဲ့အခါ လိုရာမရောက်ဆန့်ကျင်ရောက်၊
 ဆန့်ကျင်ရောက်တော့ စိတ်မချမ်းသာ၊ သူရောကိုယ်ရောရင်မှာနာ။
 ရင်နာစရာမဖြစ်ဖို့၊နွေးနွေးထွေးထွေးဆက်ဆံစို့။
 လိုအပ်ချက်များပြည့်ဖို့ရာ၊ ဝိုင်းဝန်းဖြည့်ပေးပါ။
 မျှော်မှန်းချက်များ ပြောပြရာ သေချာရှင်းလင်းစွာ။
 လုပ်စရာအလုပ်များပေးတဲ့အခါ တိုးတက်ရေးကိုရှေ့ရှုပါ။
 အလုပ်ငယ်များ ပြီးသောအခါ လုပ်ငန်းကြီးတွေဖြစ်လာမှာ။
 အသိအမှတ်ပြုကာ အားပေးကြ ကလေးငယ်များဝမ်းသာကြ။ အစဉ်အမြဲသာပ။
 အားတက်နေတဲ့ကလေးတိုင်းဟာ ကြိုးစားလုပ်မှာအမြဲသာပဲ။
 ကြိုးစားလုပ်တော့ အောင်မြင်လာ အသိအမှတ်ပြုမှုများဆက်ဖြစ်လာ။
 အောင်မြင်မှုလမ်းကြောင်းပွင့်လို့သွား၊ မရပ်မနားခုတ်မောင်းသွား။

မိတ်ဆွေများ ကလေးများကို အကောင်းဆုံးလေ့ကျင့်ပျိုးထာင်နိုင်ကြပါစေ။
မေတ္တာဖြင့်

ဒေါက်တာသိန်းလွင်
ပါမောက္ခ၊ (ငြိမ်း) ပညာရေးစိတ်ပညာဌာနာ၊ ရန်ကုန်ပညာရးတက္ကသိုလ်။