“မိဘနှင့်ကလေး” အခြေခံကျတဲ့သဘော

ဒီနေ့ “မိဘနှင့်ကလေး” အခြေခံကျတဲ့သဘောကို Food for Thought 236 အ ဖြစ်မျှဝေလိုက်ပါတယ်။

မိဘနှင့် ကလေး

ကလေးတွေဆိုတာ တစ်ယောက်တိုင်းမှာ မတူတဲ့သင်ယူမှုဆိုင်ရာခြားနားမှုများနှင့်အခက်အခဲရှိနေသူများဖြစ်ကြ ပါတယ်။ အဲဒီလိုဖြစ်နေတာသဘာဝဖြစ်ပါတယ်။ မွေးကတည်းကစပြီးတတ်သိလာတဲ့ကလေးဆိုတာမရှိပါဘူး။

ပတ်ဝန်းကျင်နှင့်ထိတွေ့လေ့လာသင်ယူမှုမှတဆင့် မြင်သိ၊ ကြားသိ၊ ထိသိ၊ အနံ့အရသာခံစားကြည့်ပြီးသိလာ ကြ ခြင်းဖြစ်ပါတယ်။ အဲဒီလိုသိမြင်ထိတွေ့ကြား တာတွေကို ပတ်ဝန်းကျင်မှာရှိတဲ့လူတွေက ဘာသာစကားဖြင့် ရည် ညွှန်းပြောနေတဲ့အခါ ကလေးတွေက တွေ့ မြင်ကြားထိနေတာတွေကို ဘာသာစကားဖြင့် ဘယ်လိုခေါ်ကြောင်းသိ လာတာဖြစ်ကြပါတယ်။ အကောင်အထည်ရှိတာတွေကို ဘာသာစကားဖြင့်ဘယ်လိုခေါ်ရ‌ကြောင်းသိလာတာဖြစ် ပါတယ်။

အကောင်အထည်ရှိတာတွေကို ဘာသာစကားဖြင့် ဘယ်လိုခေါ်ကြောင်းသိလာပြီးတဲ့နောက် အကောင် အထည်မရှိတာတွေကို လည်းဘာသာစကားဖြင့် ဘယ်လိုပြောရကြောင်သိလာကြတာဖြစ်ပါတယ်။ ဥပမာချစ်ခင် တယ်၊ နှစ်သက်တယ်၊ စတာတွေကို ဘာသာစကားဖြင့် ဘယ်လိုပြောရကြောင်း၊ စိတ်လှုပ်ရှား ခံစားချက်များကို ဘာသာစကားဖြင့် ဘယ်လိုပြောရကြောင်းသိနားလည်လာကြတာဖြစ်ပါတယ်။

အဲဒီလိုသဘောရှိတဲ့အတွက် ကလေးဆိုတဲ့ C-H-I-L-D ကိုအောက်ပါအတိုင်း အဓိပ္ပါယ်ဖွင့်ဆိုနားလည် နိုင်ပါ တယ်။

C -child

H -having

I -individual

L -learning

D -difficulties/ Differences

ခြုံလိုက်ရင် ကလေးဆိုတာ တစ်ယောက်ချင်းစီမှာ သင်ယူမှုမတူညီခြင်းနှင့်

အခက်အခဲများရှိနေသူများ ဖြစ်ပါ တယ်လို့ လက်တွေ့သဘာဝနှင့် ကိုက်ညီစွာသတ်မှတ်နိုင်ပါတယ်။

ကလေးတွေကို အနီးကပ်သင်ပေးသူတွေကတော့မိဘများသာဖြစ်ကြပါတယ်။ မိဘတွေကို လက်ဦးဆရာလို့ ခေါ်ကြပါတယ်။ မပြောတတ်၊ မလုပ်တတ်သေးတဲ့အဆင့်မှ အစစလုပ်တတ်ပြောတတ်အောင်သင်ပြပေးရတာ ဖြစ်တဲ့အတွက် မိဘများအနေဖြင့် စိတ်ရှည်သည်းခံရန် လိုအပ်ပါတယ်။ မိမိအတွက်လွယ်ကူနေတာဖြစ်ပေမဲ့ ကလေး ငယ်ဘဝမှာမလွယ်ကူပါဘူး။ အဲဒီသဘောကိုနားလည်ပြီးမိဘများကစိတ်ရှည်သည်းခံမှုရှိရန် အထူးလို အပ်ပါတယ်။

မိဘတွေဆိုတာ စိတ်ရှည်သည်းခံနိုင်ပြီးချစ်ချစ်ခင်ခင် တာဝန်ရှိရှိ လိုအပ်ချက်များနှင့်အညီ လိုအပ်သည်များကို ပြုလုပ်ဖန်တီးပေးဖို့၊ သားသမီးကလေးတွေကို လေ့ကျင့်ပေးဖို့၊ အသိမြင်စွမ်းအားတိုးတက်လာအောင်ပညာ သင်ကြားလေ့ကျင့်ပေးဖို့၊ ယဥ်ကျေးသိမ်မွေ့အကျင့်ကောင်းတဲ့လူသားတွေဖြစ်လာအောင် ပြုစုပျိုးထောင်လေ့ ကျင့်ပေးဖို့၊ ထောက်ပံ့အားပေးဖို့တို့ကိုမိဘများအနေဖြင့် ပြုလုပ်ပေးရန် လိုအပ်ပါတယ်။ အဲဒိလို သားသမီး ကလေးတွေကိုလေ့ကျင့် ပျိုးထောင်ပေးတဲ့အခါ အလုပ်တွေများပြီးစိတ်တိုလာတဲ့အတွက် အော်ဟောက်ဆူ တာမျိုး၊ ကိုယ်လက်နာကျင်အောင်ရိုက်နှက်အပြစ်ပေးဆုံးမတာမျိုးတွေကို ရှောင်ရန် လိုအပ်ပါတယ်။ ဆူခြင်း၊ အော်ဟောက်ခြင်း၊ ချိုးနှိမ်ခြင်း၊ ကိုယ်လက်နာကျင်အောင်ရိုက်နှက်ခြင်းဆိုတဲ့လုပ်ရပ်တွေမှာ သားသမီးကိုချစ်ခင် တန်ဖိုးထားတဲ့မိဘများအထူးရှောင်တဲ့ကိစ္စများဖြစ်ပါတယ်။

အဲဒီလိုသဘောရှိတဲ့အတွက် မိဘများဆိုတဲ့ P_A_R_E_N_T_S ကိုအောက်ပါအတိုင်း အဓိပ္ပါယ်ဖွင့်ဆိုနားလည် နိုင်ပါတယ်။

P – patient/prepare/plan

A -adequately/affectionately/attentively

R -responsibly/responsively raise

E -educate/empower/

N -nurture

T -teach/train/tenderly

S -support children

မိဘတွေဆိုတာသားသမီးကလေးတွေကို စိတ်ရှည်သည်းခံပြီးချစ်ခင်မြတ်နိုးစွာဖြင့် လိုအပ်ချက်များရှိတာနှင့် အညီ တာဝန်ရှိရှိ လေ့ကျင့်ပညာပေးခြင်း၊ ယဥ်ကျေးသိမ်မွေ့အကျင့်ကောင်းတဲ့လူသားတွေဖြစ်လာအောင် ပြုစုပျိုးထောင်လေ့ကျင့်ပေးခြင်းနှင့် လိုအပ်တဲ့ကူညီပံ့ပိုးမှုများပေးခြင်းနှင့် လိုအပ်တဲ့အ‌ခြေ့နေများဖန်တီးပေးရန် လိုအပ်သလို မိမိကိုယ်ကိုအကောင်းဆုံးပြင်ဆင်ထားသူများလို့ လက်တွေ့သဘာဝနှင့် ကိုက်ညီစွာသတ်မှတ်နိုင်ပါ တယ်။

မိဘတွေဆိုတာကလေးတွေမှာသိချင်တဲ့စိတ်ကိုနှိစွာပေးရန် အထူးလိုအပ်ပါတယ်။ သိချင်စိတ်ကိုနှိးစွားပေး လိုက်ရင် စဥ်ဆက်ပြတ်စူးစမ်းလေ့လာသင်ယူမှုများကအလိုလိုဖြစ်လာစေကြောင်း အောက်ပါ လင်္ကာလေးကို လည်းမျှဝေလိုက်ပါတယ်။

သိချင်စိတ်ကိုနှိးစွပေးပါ။

• သိချင်စိတ်ကြောင့်စူးစမ်းရှာ၊ အသစ်အတန်းတွေတွေ့ရှိလာ။

• အသစ်အဆန်းတွေတွေ့တော့စိတ်မှာရွှင်၊ ထပ်လို့လေ့လာအမြဲပင်။

• ထပ်ခါလေ့လာပိုင်နိုင်တော့၊ ကျွမ်းကျင်မှုအသစ်များရတာပေါ့။

• ပိုင်ပိုင်နိုင်နိုင် လုပ်နိုင်တဲ့အခါ၊ မိမိကိုယ်ကိုယုံကြည်လာ။

• မိမိကိုယ်ကိုယုံကြည်တော့၊စိတ်ချမှုများဖြစ်လာပေါ့။

• စိတ်ချမှုများဖြစ်လာတော့၊ စူးစမ်းမှုများထပ်လုပ်ပေါ့။

• စူစမ်းမှုများဆက်တဲ့အခါ၊ ဖွံ့ဖြိုးတိုးတက်ရေးရဟပ်ကြီးလည်တော့တာ။

• မရပ်မနားလည်မှတော့၊ ထာဝရကျောင်းသားဖြစ်ပြီပေါ့။

• မရပ်မနားလည်မှတော့၊ အစဥ်အမြဲတိုးတက်ပြီပေါ့။

မိတ်ဆွေများ ကလေးများကို အကောင်းဆုံးလေ့ကျင့် ပျိုထောင်ပေးနိုင်ကြပါစေ။

မေတ္တာဖြင့်

ဒေါက်တာသိန်းလွင်

https://www.facebook.com/ohnmar.tin.1/posts/pfbid0gBTXTF5pxHgkkAYctGDsCVGNuaMqZZRTZyRixH7x7qCYt4kCR6uWQnSGu9P3s1Lrl

ကလေးတွေဆိုတာလည်း လူတွေဖြစ်ပါတယ်

 
 

 

ဒီနေ့မှာ ကလေးတွေကိုလေးစားတန်ဖိုးထားထိုက်တဲ့လူသားတွေအဖြစ် သဘောထားဆက်ဆံရန်အရေးကြီး ကြောင်းကို “ကလေးတွေဆိုတာလည်း လူတွေဖြစ်ပါတယ်” ဆိုတာကို Food for Thought 237 အဖြစ်မျှဝေ လိုက်ပါတယ်။

ကလေးတွေဆိုတာလည်း လူတွေဖြစ်ပါတယ်။

သိပ်မကြာသေးတဲ့အချိန်က ပြင်ပလေ့လာရေးသွားရင်းအနားယူရန်အရိပ်ကောင်းတဲ့နေရာမှာဝင်နားပါတယ်။ အနီးအနားမှာရှိနေတဲ့ ဆိုင်ငယ်လေးမှ စားစရာကို ဝယ်စားရန်ဆုံးဖြတ်ကြပါတယ်။ သမီးလေးနှစ်ယောက်က ပိုက်ဆံကိုသူတို့ကိုယ်တိုင်ကိုင်သွားပြီး သူတို့ဝယ်ချင်တာကို ဝယ်လိုကြပါတယ်။ သမီးလေးနှစ်ယောက်ရဲ့ စိတ်နေ စိတ်ထားကိုသဘောကျတဲ့အတွက် ကျွန်တော်က သူတို့ လက်ထဲပိုက်ဆံကို လိုလိုလားလား ထည့်ပေး လိုက်ပါ တယ်။ ဒီတော့ သမီးလေးနှစ်ယောက်က ဈေးဝယ်ရန်တန်းစီနေတဲ့လူတန်းမှာ သွားတန်းစီကြပါတယ်။ သူတို့က စိတ်ရှည်စွာ ရပ်စောင့်ပါတယ်။ ကောင်တာနဲ့တဖြည်းဖြည့်နီးကပ်လာပါတယ်။ သူတို့လက်ထဲမှာ လည်း ပိုက်ဆံကိုကျစ်ကျစ်ပါအောင်စုတ်ကိုင်ထားပါတယ်။ လူကြီးတွေလုပ်တာကို သူတို့ကိုယ်တိုင်လုပ်ခွင့်ရ နေတော့ သူတို့သဘော ကျကြေပါတယ်။ ကျွန်ပ်ကနောက်ဘက်နားမှာရပ်နေရင်းသမီးလေးနှစ်ယောက်လုပ်နေတာကိုပြုံး ပြီးစောင့် ကြည့်နေမိပါတယ်။ နောက်ဆုံး သူတို့ရှေ့ မှာရပ်နေတဲ့အမျိုးသမီးဈေးဝယ်တာပြီးလို့ထွက်သွားတော့ ကလေး နှစ်ယောက်အလှည့် ရောက်လာပါတယ်။ ဒါကြောင့်သမီးလေးနှစ်ယောက်က ဂုဏ်ယူဝင့်ကြွားစွာ ကောင်တာနားကပ်သွားပါတယ်။

ဒါပေမဲ့ အားလုံးမှာ ပြင်ဆင်ထားတဲ့အတိုင်းဖြစ်မလာပါ။ ကောင်တာမှာတာဝန်ရှိတဲ့အမျိုူးသမီးက ကလေးမ လေးနှစ်ယောက်ကို ငုံ့ကြည့် လိုက်ပါတယ်။ ပြီးတော့ သူတို့နောက်မှာကပ်နေတဲ့အမျိုးသမီးကို ရှေ့သို့တက်လာ ရန် ပြောလိုက်ပါတယ်။ ဒီတော့ကလေး မလေးနှစ် ယောက်မှာ သူတို့ရောက်နေတဲ့နေရာမှ ရှေ့ဘက်ထွက်လာ တဲ့အမျိုသမီးကိုစောင့် ကြည့်နေပါတယ်။ နောက်မှတက်လာတဲ့အမျိုး သမီးက ငွေကို ထုတ်ပြီးကောင်းတာ စာရေးကိုပေးပါတယ်။ ကလေးမလေးနှစ်ယောက်က ဘာတွေဖြစ်နေတာလဲဆိုတဲ့ ရောထွေး သွားတဲ့အနေဖြင့် ကျွန်တော့်ကိုလှန်းကြည့် လိုက်ကြပါတယ်။ အဲဒီတော့ကျွန်တော်က သမီးလေးနှစ်ယောက် ရှေ့ဘက်သွားပြီး ကောင်းတာစာရေးအား ကလေးမလေးနှစ်ယောက်ကလည်း သူတို့ လိုချင်တာကို သူတို့ ကိုယ်တိုင်ဝယ်လို ကြောင်းရှင်းပြလိုက်ပါတယ်။ အဲဒီတော့မှ ကောင်တာစာရေးမက ကလေးတွေကိုငုံ့ကြည့် လိုက်ရင်း ကလေးတွေကိုချစ်ခင်တဲ့အနေဖြင့် ပြောတဲ့လေသံဖြင့် ပြောရင်း ကလေးမလေးနှစ်ယောက်ထံမှ ငွေကို လက်ခံပြီး သူတို့ လိုချင်တာကိုရောင်းပေး လိုက်ပါတယ်။

အဲဒီဖြစ်ရပ်လိုပင် ကလေးတွေမှာ သူတို့ကိုယ်တိုင်လွတ်လပ်စွာလုပ်ဆောင်နိုင်တယ်ဆိုတဲ့ခံစားမှုကိုလုယူသွား တဲ့ဖြစ်ရပ်တွေရှိပါတယ်။ အဲဒီအခါ ကလေးတွေမှာ သူတို့က လူးကြီးတွေလုပ်တဲ့အလုပ်မျိုးကို လုပ်နိုင်တယ်ဆို တဲ့စိတ်ခံစားမှုကလည်း လွင့်စင်ပျောက်ပျက်သွား ပါတော့တယ်။ ဈေးဆိုင်ကောင်တာမှာတာဝန်ယူနေတဲ့အမျိုး သမီးက အဲဒီကိစ္စကိုတမင်ဖြစ်လာအောင်ရည်ရွယ် ပြုလုပ်ခြင်းမဟုတ်တာ သေချာပါတယ်။ သူ့ကြည့်ရတာ ကလေးတွေကိုချစ်ခင်တဲ့ပုံလည်းပေါက်ပါတယ်။ မိမိအမှတ်မထင် ပြုလုပ်လိုက်တဲ့လုပ်ဆောင်မှု လေးတွေက အခြား လူတွေအပေါ် ဘယ်လိုအကျိုးသက်ရောက်မှုရှိစေတာကို မစဉ်းစားမိတာသာဖြစ်နိုင်ပါတယ်။

အဲဒီဖြစ်ရပ်က ကျွန်ပ်အားအလားတူဖြစ်ရပ်မျိုးတွေအကြောင်း ဆက်လက်စဉ်းစားစေပါတယ်။ ကလေးတွေ ဆိုတာ လူတွေမဟုတ်သလို သဘောထားနေမှုတွေရှိနေပါတယ်။ ကလေးတွေက လူကြီးတွေလိုအရေးကြီး သူများမဟုတ်သလို သဘောထားနေမှုများ ရှိနေကြပါတယ်။ အဲဒီလိုဖြစ်နေတာကလည်း အဲဒီလူတွေအနေဖြင့် သူတို့အဲဒီလိုစဉ်းစားနေမှန်းမသိတာဖြစ်နိုင်ပါတယ်။ ဒါပေမဲ့ လုပ်ရပ်များက သူတို့ပြောတဲ့စကားတွေထက် ပိုကျယ်လောင်အောင်ပြောနေကြပါတယ်။

ကလေးတွေနှင့်အတူအပြင်ထွက်တဲ့အခါမှာ ကလေးတွေကတွေ့တဲ့လူတွေကို ဟယ်လိုလို့လက်ပြနှုတ်ဆက် နေပေမဲ့ (၈၀%) လောက် က ပြန်မနှုတ်ဆက်တတ်ကြပါဘူး။ အဲဒီလူတွေကကလေးတွေကနှုတ်ဆက်တာကို ကြားတဲ့အတွက်လှည့်တော့ကြည့် လိုက်ပြီး၊ ချက်ခြင်း တခြားဘက်ပြန်လှည့်ပြီး သူတို့ သွားရမဲ့နေရာကို ဆက် လက်လျောက်သွားတတ်ကြပါတယ်။ ကလေးတွေနှုတ်ဆက်တာကို ပြန်လည်နှုတ်ဆက်ခြင်းမရှိကြပါဘူး။ တစ်ခါက အသက် (၂) နှစ်အရွယ်ကလေးနှင့်အတူဈေးသွားဝယ်ပါတယ်။ ကလေးလေးက ဟယ်လိုဆိုပြီး ထပ်ခါတလဲလဲ ဈေးရောင်းနေသူတွေကိုနှုတ်ဆက်ပါတယ်။ ဒါပေမဲ့ဈေးရောင်းသူတွေက သူကို လစ်လျူရှုထား တဲ့အတွက် ကလေးက "မေမေ သူတို့က သမီးနှုတ်ဆက်နေတာကို ဘာကြောင့် ပြန်မနှုတ်ဆက်တာလဲ" လို့မေး လာ ပါတယ်။ သင့်အနေဖြင့် ကလေးတွေကိုချစ်ခင်တဲ့လူမျိုးမဟုတ်ရင်တောင် မိမိကိုနှုတ်ဆက်နေသူ တစ်ယောက်ကို ပြန်လည်နှုတ်ဆက်ရန် လိုအပ်ပါတယ်။
မကြာခဏဆိုသလိုပင် လူတွေကကလေးတွေကိုတိုက်ရိုက်မမေးဘဲကလေးတွေနဲ့ပတ်သက်ပြီးကျွန်မကိုမေးခွန်း တွေ လာမေးတတ်ကြ ပါတယ်။ သမီးလေးကဆာနေသလား။ သမီးလေးက ဒါတွေကိုသဘောကျသလား။ စသဖြင့် ကျွန်မကို လာမေးတတ်ပါတယ်။ ကျွန်မကလေး (၃) နှစ် (၅)နှစ်အရွယ်တွေက သူတို့နှစ်သက်တာ၊ မနှစ်သက်တာတွေကို တိုက်ရိုက်ကောင်းကောင်းပြန်ဖြေနိုင်ပါတယ်။ ကျွန်မထက်တောင် ပိုဖြေနိုင်မှာဖြစ်ပါတယ်။

နောက်တစ်ချက်သတိထားမိတာကတော့ကလေးတွေနဲ့ပတ်သက်လာရင် စံတွေအလွန်မြင့်မားစွာထားတတ်ကြ ပါတယ်။ အစဉ်သဖြင့် လူကြီးတွေကို နာခံရေး၊ ဆိုးတဲ့စိတ်ထားကင်းရေး၊ အပြစ်ကင်းတဲ့အပြုအမူများသာ ပြုလုပ်ရေး၊ စဉ်းလုံးချောပြောစရာမလိုတဲ့ မိမိကိုယ်မိမိထိန်းသိမ်းနိုင်ရေးစတာတွေမျှော်မှန်းထားတတ်ပါတယ်။ အဲဒီလိုသတ်မှတ်ထားတာတွေနဲ့ကိုက်ညီအောင်မနေနိုင်ရင်အရေး ယူအပြစ်ပေးမယ်ဆိုတဲ့သတ်မှတ်ချက် တွေပြု လုပ်ထားတတ်ပါတယ်။
အဲဒီလို သေးသေးကွေးကွေးတွေများစွာရှိနေပါတယ်။ သေးသေးလေးတွေပေါင်း လိုက်တော့ကြီးမားတာတွေဖြစ် လာပါတယ်။ ကျွန်ပ်တို့အနေဖြင့်လည်းအရင်ကလုပ်သင့်တယ်လို့ယူဆခဲ့တာတွေများစွာရှိကြပါတယ်။ ဒါပေမဲ့ ကျွန်ပ် အမြင်တွေကပြောင်းလဲလာတဲ့ အတွက် အရင်ကယူဆခဲ့တာတွေက မလိုအပ်တာတွေသာဖြစ်လာပါ တော့တယ်။ ကလေးတွေဆိုတာ လူသားတွေဖြစ်ပါတယ်။ ငယ်ရွယ်သေးတဲ့လူသားတွေဖြစ်ပါတယ်။ လူကြီး တွေကို လေးစား တန်ဖိုးထားသလို လေးစားတန်ဖိုးထားထိုက်ခံသင့်သူတွေ ဖြစ်ပါတယ်။ ကျွန်ပ်တို့က ကလေး တွေကို မိမိကိုယ်မိမိယုံကြည်သူများအဖြစ်ကြီးပြင်းလာစေချင်ပါတယ်။ မိမိကိုယ်မိမိကောင်းစွာ ယုံကြည်ပြီး မိမိရဲ့တန်ဖိုးကို မိမိကောင်းစွာသိသူများဖြစ်လာစေချင်ပါတယ်။ ဒါကြောင့် လူကြီးတွေအနေဖြင့် လုပ်သမျှနေရာ တိုင်းမှာ အဲဒီလိုခံစားမှု ကလေးတွေမှာရှိလာအောင်ဖန်တီးပေးရန် လိုအပ်ပါတယ်။

ကလေးတွေနှင့် နေထိုင်လုပ်ကိုင်ရေးနဲ့တ်သက်ပြီး ယေဘူယျစည်းကမ်းကိုသာချမှတ်ရမယ်ဆိုရင်အောက် ပါအ တိုင်းဖြစ်မှာပါ။ အခြား လူကြီးတစ်ယောက် ယောက်ရဲ့ကောင်းတဲ့အကြံဉာဏ်နှင့် ချစ်ခင်မြတ်နိုးမှုကို သင်ကတန် ဖိုးထားပြီးအဲဒီလူကြီးအပေါ် မပြုလုပ်မိရန် ရှောင်တာတွေကို မပြောမိဖို့နဲ့မလုပ်မိဖို့လိုက် နာရန် လိုအပ်တယ်။

ကလေးတွေဆိုတာ လူတွေပါ

• သူတို့ကိုဘယ်တော့မှလစ်လျူမရှုပါနဲ့။
• သူတို့ရဲ့စိတ်ခံစားမှုများကို သေးသိမ်အောင်မပြုလုပ်ပါနဲ့။
• ချစ်ခင်မှုကိုအခွင့်ကောင်းယူပြီးအမိန့်ပေးသလိုပြောတဲ့ပုံစံဖြင့်မပြောပါနဲ့။
• ကလေးတွေကိုအရှက်ရအောင်မလုပ်ပါနဲ့။
• မိမိပြုမူစေချင်သလို ပြုမူလာအောင် ကလေးတွေကိုမချုပ်ကိုင်ပါနဲ့။
• ကလေးတွေကို ထိုးခြင်း၊ရိုက်ခြင်း၊ ချိုးနှိမ်ခြင်း၊ ခြိမ်းခြောက်ခြင်း၊မပြု လုပ်ပါနဲ့။
• အရာရာပြီးပြည့်စုံနေဖို့မမျှော်မှန်းထားပါနဲ့။
• သူတို့က သင့်ကိုစကားလာပြောတဲ့အခါ သူတို့ကိုအသိအမှတ်ပြုပါ။
• ကလေးတွေအကြောင်းမေးခွန်းတွေမေးပါ။ ကလေးမိဘတွေအကြောင်းမဟုတ်ပါ။
• ကလေးတွေကို သူတို့လွတ်လပ်စွာလှုပ်ရှားနိုင်ဖို့အခွင့်ပေးပါ။
• အရာရာမှာ သင်ပေးနိုင်သလောက်လွတ်လပ်ခွင့်ပေးပါ။
• သူတို့ပြောတာကို သေချာကောင်းစွာနားထောင်ပေးပါ။
• သူတို့ရဲ့ခံစားမှုများနှင့် အတွေးစဉ်းစားမှုများကို တန်ဖိုးထားလေးစားပါ။
• သူတို့အပေါ်ယုံကြည်ပါ။
• သူတို့ကိုချစ်ခင်ပါ။ မြတ်နိုးတန်ဖိုးထားပါ။ သူတို့ပျော်ပျော်နေနိုင်ပါစေ။

မိတ်ဆွေများ ကလေးတွေကိုချစ်ခင်လေးစားတန်ဖိုးထားဆက်ဆံနိုင်ကြပါစေ။

မေတ္တာဖြင့်
ဒေါက်တာသိန်းလွင်

အတွေးဆိုးများကိုဖယ်ရှားတဲ့နည်းလမ်း (၅)မျိုး

 

 

ဒီနေ့ စိတ်မှာဖြစ်တဲ့ “အတွေးဆိုးများကိုဖယ်ရှားတဲ့နည်းလမ်း (၅)မျိုး” အကြောင်းကိုမျှဝေချင်ပါတယ်။ လူတွေမှာအတွေးဆိုးတွေပျောက်ပြီး အတွေးကောင်းတွေရှိလာစေချင်ပါတယ်။ ဒါကြောင့် နာယူထား တဲ့ သစ္စာရွှေစည်ဆရာတော် ရဲ့တရားကို အနှစ်ချုပ်ပြီးမျှဝေလိုက်တာဖြစ်ပါတယ်။

အတွေးဆိုးများကိုဖယ်ရှားတဲ့နည်းလမ်း (၅)မျိုး

လူတွေမှာကာယကံ၊ ဝစီကံ၊ မနောကံ ဆိုပြီး ကံ(၃)ပါးရှိရာ ကာယကံနှင့်ဝစီကံတို့မှာ သိသာမြင်သာ ပါတယ်။ အပြင်ပန်းမှလည်းတွေ့မြင်ကြားနိုင်ပါတယ်။ ဒါပေမဲ့မနောကံကတော့ လူတွေမှာအများကြီး ဖြစ်နေပေမဲ့မမြင်သာပါဘူး။ ဒါပေမဲ့ မနောကံက အရင်းခံဖြစ်ပါတယ်။ မနောကံကစပြီး ဝစီကံ၊ ကာယကံတွေဖြစ်လာတာဖြစ်ပါတယ်။ ဒါကြောင့် မိမိစိတ်မှာဖြစ်တဲ့မကောင်းတဲ့မနောကံအတွေးဆိုး တွေကိုဖယ်ရှားနိုင်ရန် အပ်ပါတယ်။

လူတွေရဲ့စိတ်ထဲမှာ ကောင်းတဲ့အတွေးစိတ်ကူးများနှင့် မကောင်းတဲ့အတွေးစိတ်ကူးများဟာ အ‌ခြေ အနေအမျိုးမျိုးမှာဖြစ်နေတတ်ပါတယ်။ ကောင်းမြတ်တဲ့အတွေးတွေဖြစ်ရင်တော့ ဆက်လက်ပွားများ နိုင်အောင် ပြုလုပ်သင့်ပါတယ်။ ဥပမာ အများအကျိုးရှိတဲ့လုပ်ငန်းတွေမှာပါဝင်လုပ်ရန် စိတ်ကူးမျိုး ဖြစ်ပါက ဆက်လက်ပွားများပြီးလက်တွေ့ဝစီကံ၊ ကာယကံမြောက်လုပ်ငန်းဖြစ်လာအောင် ပြုလုပ်သင့် ပါတယ်။ ထိုမှတစ်ဆင့် ကောင်းတဲ့အလေ့အကျင့်ဖြစ်အောင်။ ကိုကျင့်စရိုက်ကောင်းဖြစ်အောင်၊ တန်ဖိုးထားလုပ်ဆောင်မှုဖြစ်လာအောင် လုပ်ဆောင်သင့်ပါတယ်၊ ဒါပေမဲ့ဆိုတဲ့အတွေးတွေဖြစ်လာရင် တော့ မနောကံအဆင့်မှ ဝစီကံအဆင့်၊ ကာယကံအဆင့် သို့မရောက်ခင် သူတို့ကိုဖယ်ရှားနိုင်အောင်အား ထုတ်ဖို့ လိုအပ်ပါတယ်။

မြတ်ဗုဒ္ဓက အဲဒီလိုအတွေးဆိုးတွေဖြစ်လာရင် ဖယ်ရှားတဲ့နည်းလမ်း (၅) မျိုးကို အောက်ပါအတိုင်း လမ်းညွှန်ပြသခဲ့ပါ တယ်။

၁။ အာရုံပြောင်းပေးတဲ့နည်း -မကောင်းတဲ့အတွေးဆိုးကိုကောင်းတဲ့အတွေးဖြင့် အစာထိုးပေးတဲ့နည်း လမ်းဖြစ်ပါတယ်။ ဘုရားပြခဲ့တဲ့ဥပမာကတော့ သစ်လုံးကြီးများကို လွှဖြင့် ခွဲရန်အားထုတ်တဲ့အခါ လွှဆွဲရာမှာ သစ်သားကလွှဆွဲတာကိုပိပိတ်နေတာမျိုးကင်းအောင် သပ်ကြီးကြီးဖြင့် သစ်သားအက် ကြောင်းအတွင်း ရိုက်သွင်းထားရပါတယ်။ အဲဒီအခါ လွှဆွဲရတာ အဆင်ပြေစေပါတယ်။ အဲဒီသပ်ကြီးကို မလိုတော့တဲ့အခါ သပ်ငယ်တာကို သပ်ကြီးရိုက်ထားတဲ့နေရာရဲ့အထက်ဘက်နားမှာ ရိုက်ထည့် လိုက်ရင် သပ်ကြီးကချောင်ပြီးပြုတ်ကျလာ ပါတယ်။ အဲဒီနည်းအတိုင်းအတွေးဆိုးတွေကို ကောင်းတဲ့အတွေးဖြင့် အစားထိုးရန်လမ်းပြပေးခဲ့ပါတယ်။

အတွေးဆိုးတွေဆိုတာ လောဘ၊ ဒေါသ၊ မောဟတွေထူတဲ့အတွက်ဖြစ်လာတာပါ။ အဲဒီ လောဘ၊ ဒေါသ၊ မောဟတွေကြောင့် အတွေးဆိုးတွေဖြစ်လာရင်အောက်ပါအတိုင်း အာရုံပြောင်းပေးရန် လမ်းညွှန်ခဲ့ပါ တယ်။

လောဘကြောင့် သက်ရှိတွေအ‌ပေါ်မှာအတွေးဆိုးတွေဖြစ်လာရင် မတင့်တယ်တဲ့အသုဘကမ္မဌာန်းကို ပွားများခြင့်ဖြင့်အတွေးဆိုးကိုပယ်ရန်လိုအပ်ပါတယ်။ တင့်တယ်တယ်လိုအထင်မှားနေတာကို မတင့် တယ်တဲ့သဘောရှိပါလားဆိုတာ အသိမှန်သွားအောင် အာရုံပြောင်းပေးရန် လိုပါတယ်။ လောဘကြောင့် သက်မဲ့တွေအ‌ပေါ်မှာ လိုချင်တဲ့အတွေးဆိုးတွေဖြစ်လာရင် အနိစ္စသဘော၊ ဘာမှမတည်မြဲတဲ့သဘောကို နားလည်ပြီးအာရုံပြောင်းပေးရန် လိုအပ်ကြောင်း လမ်းညွှန်ခဲ့ပါတယ်။

ဒေါသဖြစ်စရာအာရုံနှင့်ကြုံလို့ သက်ရှိတွေအ‌ပေါ်မှာဒေါသစိတ်ဆိုတဲ့အတွေးဆိုးဖြစ်လာရင် မေတ္တာ စိတ်ပြောင်းပေးရန် လိုအပ်ပါတယ်။ မိမိမှာဒေါသစိတ်ဖြစ်တဲ့အခါ အရင်ဆုံးမိမိသာပူလောင်မှုဖြစ် ရပါတယ်။ မိမိမှာပူလောင်မှုဖြစ်တဲ့အခါ မနှစ်သက်သလို အခြားလူတွေလည်း ပူလောင်မှုဖြစ်ရင် နှစ် သက်မှာ မဟုတ်ဘူဆိုတဲ့စာနာတဲ့စိတ်ဖြင့် ဒေါသစိတ်ဆိုးမှာမေတ္တာထားပေးတဲ့နည်းဖြင့် အာရုံပြောင်း ပေးရန်လမ်းပြတော်မူခဲ့ပါတယ်။ ဒေါသစိတ်ဆိုးကသက်မဲ့တွေအပါ်မှာဖြစ်ခဲ့ရင် ဓာတုမဏသီကာရ ကိုနှလုံးသွင်းပေးပြီး ဘယ်ဓာတ်သဘောကို စိတ်တိုဒေါသဖြစ်နေတာလဲလို့ မိမိကိုယ်မိမိပြန်မေးပြီး အာရုံပြောင်းပေးရန် လိုအပ်ပါတယ်။ ဘယ်ဓာတ်သဘောမှမမြဲကြောင်း၊ ပြောင်း လဲနေတာသာဖြစ် ကြောင်းအမှန်ကိုသိနားလည်ခြင်းဖြင့် ဖြစ်နေတဲ့ဒေါသစိတ်ဆိုးမှာပျောက်သွားပါတယ်။

မောဟဆိုတဲ့မှန်ကန်စွာမသိမှုကြောင့် အတွေးဆိုးတွေဖြစ်လာရင် ဆရာကောင်းသမားကောင်းထံ ချဥ်း ကပ်မေးခြင်း၊ စာပေလေ့လာဖတ်ရှုခြင်း၊ တရားနာခြင်း၊ မိမိထက်တတ်သိသူကို မေးမြန်းအကူ အညီတောင်းခြင်းများပြုလုပ်ရန် လိုအပ်ပါတယ်။ အကြောင်းဟုတ်မဟုတ် ကိုယ်တိုင်ချင့်ချိန်စဥ်းစား ဆုံးဖြတ်တဲ့နည်း ဖြင့် စဥ်းစားပြီး အတွေးဆိုးကို ဖယ်ရှာရန် လမ်းညွှန်ခဲ့ပါတယ်။

၂။ ဖြစ်လာတဲ့အတွေးဆိုးတွေကြောင့် နောက်ဆက်တွဲဖြစ်လာနိုင်တဲ့အပြစ်တွေကိုဆင့်ကဲဆင့် ကဲ ဆက်လက်စဥ်းစားပြီး အတွေးဆိုးတွေကိုပယ်တဲ့နည်း -အတွေးဆိုးတွေကြောင့် ဆက်ပြီးဘာတွေဖြစ် လာနိုင်လဲဆိုတာ ဆက်လက်စဥ်းစားပါ။ အတွေးဆိုးတွေကို စိတ်ထဲမှာထားရင် ဘာတွေဖြစ်လာ နိုင်သလဲ။ အတွေးဆိုးတွေကိုသိမ်းပိုက်ထားရင် နောက်ဆက်တွဲဘာအကျိုးဆက်တွေဘာတွေဖြစ်လာ နိုင်သလဲ၊ လားရာအနေအထားကဘာတွေဖြစ်လာနိုင်သလဲဆိုတာစဥ်းစားပါ။ အဲဒီလိုဆက်လက်စဥ်းစား တဲ့အခါ မနှစ်သက်စရာဒုက္ခများကိုသာမြင်လာပြီး ထိုမနှစ်သက်စရာများရဲ့ အရင်းခံအကြောင်းတရား ဖြစ်တဲ့ အတွေးဆိုးကို ဖယ်ထုတ်လာပါလိမ့်မယ်။ ဥပမာအားဖြင့် လှချင်ပချင်တဲ့အရွယ်လူ ငယ်က လှအောင်ပအောင် ချယ်သထားပါတယ်။ အဲဒီလူငယ်ကိုအတင်းဖမ်း ချုပ်နှောင်ပြီး သူရဲ့လည်ပင်းမှာ ခွေးသေကောင်ပုတ်ကို ချီးနှောင်ပေးလိုက်မယ်ဆိုရင် အဲဒီလူငယ်ဟာ ခွေးသေကောင်ပုတ်ကိုခွါဖယ်ရန် အမျိုးမျိုး အားထုတ်ပါလိမ့်မယ်။ ထို့အတူပင် မောဟကြောင့် ဖြစ်လာတဲ့အတွေးဆိုးများကို ထိုလူက ဖယ်ထုတ်ပါ လိမ့်မယ်။

လောဘ၊ ဒေါသ၊ မောဟတို့ကြောင့် မိမိစိတ်မှာ ဖြစ်လာတဲ့အတွေးဆိုးတွေဆိုတာ မိမိအသီးကြောင့် မိမိကိုယ်မိမိ သေအောင်သတ်နေတဲ့ ဝါးပင်၊ ကျူပင်၊ ပေပင်တို့ကဲ့သို့ဖြစ်စေကြောင်းမြတ်ဗုဒ္ဓက နမူနာ ပေးခဲ့ပါတယ်။ ဝါးပင်။ ကျူပင်၊ ပေပင်တို့ဟာအသီးသီးလာရင် အပင်ကိုသေအောင်သတ်တော့ မှာဖြစ် ပါတယ်။ ထိုအသီးတွေက စိတ်မှာဖြစ်တဲ့ ဆိုးတဲ့စိတ်တွေနှင့်တူပြီး အသီးတွေကအပင်ကို သတ်သလို စိတ်ဆိုးတွေဖြစ်လာရင် စိတ်ဆိုးတွေဖြစ်တဲ့လူကိုလည်း ထိုဆိုးတဲ့စိတ်များက အမျိုးမျိုး ဆင်းရဲဒုက္ခ ရောက်စေပါတယ်။

၃။ အတွေးဆိုးကိုမအောက် မေ့ဘဲ မေ့ထားလိုက်တဲ့နည်း- အထက်ပါနည်းတွေသုံးပြီးအတွေးဆိုးတွေ ကိုဖယ်ရှားပေမဲ့ဆက်လက် ဖြစ်နေသေးရင် မအောက် မေ့ဘဲ မေ့ထားလိုက်ပါလို့ မြတ်ဗုဒ္ဓက လမ်းညွှန် မှာပါတယ်။ ဒီနည်းလမ်းကတော့ တတိယနည်းလမ်း ဖြစ်ပါတယ်။ ဥပမာ တစ်ခုခုကိုမမြင်ချင်ရင် မျက်နှာ လွှဲထားလိုက်သလိုပင်ဖြစ်ပါတယ်။ မျက်နှာလွှဲ ထားတာတောင် မြင်နေသေးတယ်ဆိုရင် မမြင်အောင် မျက်စိကိုပိတ်ထားလိုက်ရန် လိုအပ်ကြောင်း မြတ်စွာဘုရားကဘမ်းညွှန်ခဲ့ပါတယ်။

၄။ ဖြစ်နေတဲ့ အတွေးဆိုးတွေရဲ့မူလ အကြောင်းတရားက ဘာလဲဆိုတာ ဆက်ကာဆက်ကာဆင့်ကဲ ဆင့်ကဲစဥ်းစားတဲ့နည်း- စတုတ္ထနည်းလမ်းအဖြစ် အတွေးဆိုးတွေကိုဖယ်ရှားတဲ့နည်းမှာ ဖြစ်နေတဲ့ အတွေးဆိုးတွေရဲ့မူလ အကြောင် းတရားက ဘာလဲဆိုတာ ဆက်ကာဆက်ကာဆင့်ကဲဆင့်ကဲ စဥ်းစားတဲ့ နည်းဖြင့် နောက်ဆုံး နှလုံးသွင်းမှားတဲ့အတွက်ကြောင့် ဖြစ်ကြောင်းသိလာတဲ့အခါ နှလုံး သွင်းမှန်အောင် ပြုလုပ်လိုက်ခြင်းဖြင့် အတွေးဆိုးတွေဖယ်ရှားပြီးဖြစ်သွားပါတယ်။ အဲဒီလို ဆင့်ကဲဆင့်ကဲဆက်လက် စဥ်းစား လိုက်တဲ့အခါ မူလဖြစ်နေတဲ့စိတ်ဆိုးတွေပျောက်ကုန်သွားစေပါတော့တယ်။ စိတ်ဆိုတာ နှစ်ခု တစ်ပြိုင်နက်တည်း မစဥ်း စားနိုင်တဲ့အတွက် ဆင့်ကဲဆင့်ကဲမူလအကြောင်းတွေကိုသာ စဥ်းစား နေတဲ့ အခါ ဆိုးတဲ့စိတ်တွေ ပျောက် ကုန်ပါတော့တယ်။ ဥပမာ စိတ်ဆိုးတွေဆိုတာ မြန်မြန်အပြေး သွားနေ တာနဲ့တူပါတယ်။ အပြေးသွားတော့ လူတွေကို အမြန်မောစေတတ်ပါတယ်။ အဲဒီတော့ ဘာကြောင့် အပြေးသွားနေတာလဲ။ မောတယ်။ ‌ဖြေးဖြေးသွားမယ်။ ထိုမှတစ်ဆင့် ပိုမပင်ပန်းအောင် ရပ်နေမယ်။ ထိုင်နေမယ်။၊ လဲလျောင်းနေမယ် စသဖြင့် ဆက် လက်စဥ်းစားနိုင်ပါတယ်။ အဲဒီလို လုပ်ရင် အမြန် လျောက်ခြင်းဆိုတာနဲ့တူတဲ့ အတွေး ဆိုးတွေကိုပယ်ထုတ်နိုင်ပြီးဖြစ်ပါတယ်။

၅။ အံကျိတ်တက် ခေါက်ပြီးအတွေးဆိုးတွေကို မရရအောင်ဖယ်ထုတ် တဲ့နည်း- အထက်ပါနည်းတွေ သုံး တာတောင်အတွေးဆိုးတွေက ဆက်လက်ဖြစ်နေသေးပါက အံကျိတ်တက် ခေါက်ပြီးအတွေးဆိုး တွေကို မရရအောင်ဖယ်ထုတ်မယ်ဆိုပြီးဆက်လက် အားထုတ်ပါ။ ဘယ်လောက် တောင်အားထုတ်ဖို့ လိုသလဲဆိုရင် အားအောင်းမောင်းသန်လူတစ်ယောက်က ချိနဲ့နေသူကို လုံးဝမလှုပ် နိုင်အောင် ဖိနှပ် ချုပ်ချယ်ထားလိုက်သလို အတွေးဆိုးတွေကိုနလံမထူနိုင်အောင် ဖယ်ရှားရန် လမ်းညွှန်ခဲ့ ပါတယ်။

အထက်ပါ နည်းလမ်း (၅)သွယ်မှာ အတွေးဆိုးတွေကိုဖယ်ရှားတဲ့နည်းလမ်းဖြစ်လို့ အလွန်တန်ဖိုးရှိတဲ့ အသိပညာဖြစ်ပါတယ်။ မိမိနှင့် ကိုက်ညီတဲ့နည်းလမ်းကို လက်တွေ့ကျင့်သုံးးခြင်းဖြင့် မိတ်ဆွေများအတွေးဆိုးများမှ ကင်းကြပါစေ။

မေတ္တာဖြင့်

ဒေါက်တာသိန်းလွင်

Orignal link (ခွင့်ပြုချက်ဖြင့် ပြန်လည် တင်ပြပါသည်)

https://www.facebook.com/photo?fbid=6707435982684520&set=a.387972187964296

အချိန်ပေးကာ လေ့ကျင့်သင်ကြားပေးမှ ကောင်းပါမယ်။

 စကားပြောနောက်ကျတာ
ဂဏာမငြိမ်အရမ်းသွက်နေတာ
စာသင်ကြားလို့မရတာ
ဖုန်းတီဗွီကြည့်ရုံနဲ့ အင်္ဂလိပ်လိုတတ်နေတာ
ဘာမှစိတ်မဝင်စားတာ
အသစ် သင်ပေးလို့မရတာ
ဒါတွေက ‌ဖွံ့ဖြိုးမှုနောက်ကျတာပါ

ရောဂါမဟုတ်လို့ သောက်ဆေးစားဆေးနဲ့
ကုသလို့မရပါ။
ဆရာဝန်သာမက အထူးပညာရေးကို
သိရှိနားလည်သူများန‌ဲ့ ထပ်လေ့ကျင့်ရပါမည်။

Child development
Learning disabilities
DSM 5 (child disorder အ‌ေကြာင်း)
ဒါတွေကို သေချာနားလည်ထားသော
သူများဖြစ်ရပါမယ်။

ဆရာဝန် ဆရာမများ
အထူးပညာရေး ပညာရှင်များစွာနဲ့ပြရပါမယ်
ကလေးဘာဖြစ်သလဲ
ဘယ်လိုလေ့ကျင့်မလဲ ဆိုတာသိနိုင်ပါမည်။

ဂဏာမငြိမ်တာကို လုံးဝငြိမ်နေအောင်
ငြိမ်ဆေးကျွေးလို့ရရင်ရမယ်
ဆေး‌ေသာက်ပြီး
သင်ယူတတ်‌ေမြာက်ချင်စိတ်ကို
ထည့်ပေးလို့မရပါဘူး

ဖွံ့ဖြိုးမှုနောက်ကျတာကို
ဆရာဝန် အစုံ ဆရာဝန်ကုန်အောင်
ကလေးခေါ်ပြီး နိုင်ငံတကာ ပတ်ပြရုံနဲ့
ကောင်းမလာနိုင်ပါ။


အချိန်ပေးကာ လေ့ကျင့်သင်ကြားပေးမှ
ကောင်းပါမယ်။

နန်းမေသဲအေး

ကလေးအခြေအနေ
ဆွေးနွေးလိုပါက
SKC Page messenger ကို
စာရင်းပေးရန် ဆက်သွယ်ပါရှင့်

m.me/432359156820492

SKC/ERC Jolly Phonics Free Training for Teachers

 SKC/ERC Jolly Phonics Free Training for Teachers

Day1- https://youtube.com/live/8IG8aLysxtk

DAY 2 - https://youtube.com/live/g4hwNXKoKXs 

DAY 3- https://youtube.com/live/tLy4tJvvAGY

DAY 4- https://youtube.com/live/9SvfNu_7rNE 

DAY 5- https://youtube.com/live/C_F4bQ6zn-4 

DAY 6- https://youtu.be/wN61eGrDLag 

DAY 7 - https://youtube.com/live/sTDvJxgppYw 

DAY 8- https://youtube.com/live/TcuQ2xZfKws 

DAY 9 - https://youtube.com/live/ZAqI7FW9Hs4 

DAY10 - https://youtube.com/live/00tF7A5GdAU

အိမ်ထဲမှာပဲ ကုသိုလ်ပြုပါ🙏

 ဒီဘဝတခုမှာ မိသားစုအဖြစ် ရောက်လာတဲ့
မိမိ့ ကလေးကို ကောင်းသွားအောင်
သင်ယူကာ ပြုစုပျိုးထောင်ပေးတာလည်း
ဘုရားပေးသော ကုသိုလ်ပါပဲ

အိမ်ထဲမှာပဲ ကုသိုလ်ပြုပါ
အိမ်ထဲမှာ ဘုရားဆွမ်းတော်ကပ်တာ ကုသိုလ်ပါ
ဘုရားရှိခိုးတာ သီလခံယူတာ ကုသိုလ်ပါ
မေတ္တာထားတတ်တာ ကုသိုလ်ပါ
ဘုရားကိုလှုတာလည်း ကုသိုလ်ပါ

ဒီကလေးရှိလို ကံမကောင်းနေရတာမဟုတ်ပါ
သင်ကုသိုလ်လုပ်ဖို့ ကံပါလာလို့
သင်ကံကောင်းဖို့ ဒီကလေး သင့်ဘဝထဲကို ရောက်လာတာပါ
အိမ်ထဲမှာပဲ ကုသိုလ်ပြုပါ

လူတဉီးတယောက်ဖြစ်သော
မိမိ့ကလေးကိုပျိုးထောင်ပေးတာ ကုသိုလ်ပါ
အိမ်ထဲမှာပဲ ကုသိုလ်ပြုပါ

ကရုဏာဆိုတာ မပင်ပန်းစေပါဘူး
မေတ္တာဆိုတာ မဆင်းရဲစေပါဘူး



နန်းမေသဲအေး

စာကြွင်း

ငွေနဲ့ တွက်ယူမယ်ဆိုရင် ဘုရားကို ၁ထောင်လှူတာနဲ့
မိမိကလေး လိုအပ်သောဆေးဝါးပစ္စည်းအသိပညာကို
၁ထောင်ဝယ်တာကလည်း
ကုသိုလ်စိတ်ထားရင် ထပ်တူကုသိုလ်ရပါတယ်။

ကုန်ရမည့်ငွေကို မိမိ့ကလေး မိမိ့ မိသားစုအတွက်
ကုသိုလ်စိတ်နဲ့ အသုံးပြုပါ။
အိမ်ထဲမှာပဲ ကုသိုလ်ပြုပါ

မိမိကလေးနဲ့မိသားစု ကျန်းမာ အဆင်ပြေနေရင်
ကုသိုလ်ရတာမဟုတ်ဘူးလား
မိမိ့ မိသားစု အဆင်ပြေတာမဟုတ်ဘူးလား
အိမ်ထဲမှာပဲ ကုသိုလ်ပြုပါ

ကိုယ်ကလေးကြောင့် ကိုယ့်မိသားစုကံမကောင်းဘူးထင်ကာ
အပြင်ကဘာမှမဆိုင်တဲ့သူကို ငွေကြေးသွားပေးပြီး
ကိုယ်ကလေးနဲ့ မိ့သားစုကြီး ကံကောင်းသွားမယ်
ဘာဖြစ်လို့ ထင်တာလဲ။

အပြင်မှာထက်
အိမ်ထဲမှာပဲ ကုသိုလ်ပြုပါ

ကိုယ်ကလေးလိုအပ်တာမလုပ်ပေးပဲ
သူများကို ပိုက်ဆံသွားပေးပြီး
ကိုယ်ကလေးကံကောင်းပြီး
အဆင်ပြေသွားမယ်ထင်တာလဲ

အပြင်မှာထက်
အိမ်ထဲမှာပဲ ကုသိုလ်ပြုပါ

မိမိ့ကလေးကို ကိုယ်စိတ်ဆင်းရဲအောင်
ကလေးကောင်းဖို့လုပ်တယ်လို့ ဘာလို့ထင်တာလဲ
မသန်စွမ်းသောကလေးလေးပါ။

သင်ကုသိုလ်စိတ်လေးမွေးတတ်အောင်
သင်စိတ်ကောင်းရှိအောင်
သင်မေတ္တာထားတတ်အောင်
သင့်ကလေးအဖြစ် မွေးဖွားလာရတာပါ။

အိမ်ထဲမှာပဲ ကုသိုလ်ပြုပါ
သင်နဲ့ သင်မိသားစုကံကောင်းသွားမှာပါ
အိမ်ထဲမှာပဲ ကုသိုလ်ပြုပါ


နန်းမေသဲအေး

ဖွံ့ဖြိုးမှုနောက်ကျနေသော မိမိ့ကလေးက သူများက‌ေလးလို ကျောင်းမတက်ရရင် စိတ်မကောင်ဘူး

 ဖွံ့ဖြိုးမှုနောက်ကျနေသော
မိမိ့ကလေးက သူများက‌ေလးလို
ကျောင်းမတက်ရရင် စိတ်မကောင်ဘူး
ကျောင်းမတက်ရ ဘွဲ့မရမှာ စိုးတာ
ဒါ မှားသော ခံယူချက်ပါ

ဖွံ့ဖြိုးမှုနောက်ကျနေသော
မိမိ့ကလေး လိုအပ်တဲ့ သင်ယူမှု မရလို့
ဘဝမရပ်တည်နိုင်မှာ စိုးရိမ်ပါ။

သာမာနျက‌‌လေး‌တှေ
ကျောင်းတက်ပြီး
စာမတတ်တာအများကြီး

သာမာန်လူကြီတွေ ဘွဲ့ရလည်း
ပညာမတတ်တာ အများကြီး

နေ့စဉ်ဘဝတောင် မရပ်တည်တတ်ပဲ
လူ့ဘဝမှာ ရပ်တည်ဖို့တောင်
မိမိကလေးခက်ခဲနေမှာ စ်ိုးရိမ်ပါ။

ကျောင်းမတက်ရရင် စိတ်မကောင်ဘူး
နေ့စဉ်ဘဝရပ်တည်မှုမတတ်မှာ စိုးရိမ်ပါ။

ကလေး အသက် 20/30 အတွက်
ပြင်ဆင်ပါ။

မိမိ့ကလေးအတွက်
ကိုက်ညီသော မျော်လင့်ချက်
ထားသင့်သော ရည်မှန်းချက်ထားပါ

မိမိ့ ဖြစ်ချင်တာထက်
မိမိ့ကလေးအတွက် ဖြစ်နိုင်တာ
မိမိ့ကလေး လုပ်နိုင်တာ
မိမိ့ဖြစ်သင့်တာကို အရင်လေ့ကျင့်ပါ။

မိသားစု နဲ့
မိမိ့ကလေး၏ ဘဝဆိုတာ
သူများကလေးဘဝမဟုတ်ပါ

သူများကလေးလို ဖြစ်ရန် မလိုပါ။

မိမိကလေးသည်
ဘဝမှာ အကုသိုလ်ကင်းစွာ
နေ့စဉ် နေထိုင်တတ်ရင်
ဒါအကောင်းဆုံးဘဝပါ။

ကြိုးစားပါ။
ပင်ပန်းရင်နားပါ။
ဘယ်တော့မှ မရပ်လိုက်ပါနဲ

မိမိ့ အသိုင်းအဝိုင်း ‌ပတ်ဝန်းကျင် ထက်
မိမိ ကလေးကို ချစ်ပေးပါ

အဆင်ပြေကြပါစေ

နန်းမေသဲအေး

💔ကလေးသာစကားပြောတတ်ရင်

 ကလေးသာစကားပြောတတ်ရင်

ကလေးကောင်းလာနိုးနိုး တနှစ်ပြီးတနှစ်စောင့်
ဟို‌ကျောင်း‌ကောင်းတယ် အပ်လိုက်
ဒီကျောင်း‌ေကာင်းတယ် ထားလိုက်
ဟိုဟာ ဒီဟာ ဘာညာ အကုန်ထား

ပြီးတော့ ကလေးအသက်သာ ကြီးလာတယ်
ထမင်းကိုယ်တိုင်မစားတတ်သေးဘူး
အိမ်သာမသွားတတ်သေးဘူး
‌တနေ့တာဘာမှ မလုပ်တတ်သေးဘူး

စကားအပြန်အလှန်‌ေပြာလား မပြောဘူး
ABC ကခ ဝါကျက အစ
အကုန် စာတော့ရေးတယ်
စာ‌သားကိုရော နားလည်လားဆိုတော့
ရေးပြီး ကူးတတ်တာပါ
စာမျက်နှာအပြည့်ရေးနိုင်တယ်

စာလုံးတွေ သိပ်မှတ်မိတယ် ဆိုတာက
ဘာ လက္ခဏာလဲဆိုတာ လေ့လာပါ

လက်‌သည်းညှပ်မရသေး
‌ဆံညှပ်မရဘူး
အသံဆူတာမကြိုက်ဘူး
ပျော်ရင်လက်ခါတယ်

Sensory အာရုံခံစားမှု ပြဿနာ ကို လေလ့လာပါ

ကျောင်းထားလို့ရတယ်
အခန်းတခုပြီးတခု ဝင်ထွက်နေတယ်
ပတ်ပြေးနေတယ်
အတန်းရတယ်လေတဲ့

မိဘက မသင်ယူရင်
ကလေးက ဒီလိုကြီးပဲ အသက်ကြီးသွားရမှာပါ

‌ကျောင်းတိုင်းကောင်းပါတယ်
မိမိကလေးကို နားလည်ထားပါက
မိဘများ၏ အသိပညာနဲ့ပဲ ရွှေးချယ်ရမှာပါ

ဒီကလေူတွေက တပတ် မသင်မိရင်တောင်
အသစ်ကပြန်စနေရတာကို
ကျောင်းလေး အချိန်ပိုင်းထားတာနဲ့
တဘဝစာလုံး လုံလောက်မယ်ထင်။


မိဘမပါပဲ
ဘယ်ကလေးကိုမှ
ကောင်းအောင် လုပ်မပေးတတ်ပါ။


ကလေးသာစကားပြောတတ်ရင်
ကလေးကို တကယ်ချစ်လားဟင်
ဘယ်တော့မှ စသင်ယူမလဲ

ကလေးသာစကားပြောတတ်ရင်
ကျောင်းဘယ်လောက်ထိ ပြောင်းပြီးမှ
မိဘကိုယ်တိုင် စသင်ယူမလဲ

ကလေးသာစကားပြောတတ်ရင်
ကလေးဘယ်လောက်အထိ
အသက်ကြီးသွားမှ
မိဘကိုယ်တိုင် စသင်ယူမလဲ
မိဘကိုယ်တိုင် စသင်ပေးမလဲ

ကလေးသာစကားပြောတတ်ရင်
ကလေးကို တကယ်ချစ်လားဟင်
တကယ်ချစ်လား


ကလေးသာစကားပြောတတ်ရင်
ကလေးတွေ ဒီလိုပဲမေးချင်ပါလိမ့်မယ်။

သား၊သမီး အသက်မကြီးခင်
မေမေ ဖေ‌ေဖတို့ရေ
ကျောင်းထားဖို့ ပိုက်ဆံရှာနေမယ့်အစား

ကလေးသာစကားပြောတတ်ရင်
အဖေအမေ သင်တတ်အောင်သင်ပြီး
သားကို သင်ပေးပါ
သမီးကို သင်ပေးပါ

သင်တန်းတက်ပါ မိဘများ
ဆရာဘယ်လောက်ကောင်းကောင်း
ကလေးနဲ့ တဘဝလုံးမနေနိုင်ပါ။

Speech training
Behaviour training
Potty training
Acitivities for daily living skill training

ကလေးကို ချစ်ပေးပါ

အတူကြိုး‌စားပေးနေသော မိဘဆရာများကို
ကျေးဇူးတင်ပါတယ်။




နန်းမေသဲအေး